Hómmelskroed

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Hómmelskroed ies de volksnaam van Koninginnekroed of Leverkroed (Eupatorium cannabinum). Composietenfamilie. In ’t wild veurkómmende soort weurt ouch koninginnekruid geneump. Huègde 90-140 cm. Euverblievende plant in beemde, langs beke, riviere en ander vochtig terrein. De blaar sjtoon tegeneuverein en zint driedeilig. Pluumvorm mèt roze-crème gekleurde blome, die bleuje van juli tot sept. Leverkruid ies de naam veur de gekweekde vörm (E. purpureum). De plant ies 'n ónderdeil van de kroedwösj


Hómmelskroed ies ouch de volksnaam veur de wille Marjolein (Origanum vulgare). Dees plant weurt es keukekroed toegepas. Luupblomefamilie. 30-60 cm. hoag, euverblievende plant mèt wortelsjtengele. de blaar zint eirónd. Blome sjtoon in sjienkranse, wiet tot lila gekleurd. Bleuj juli-sept. De plant kump in 't wild veur in Zièland, langs de riviere, in Zuud-Limburg en in oas-Belsj. Ze ies ónderdeil van de kroedwösj.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Hómmelskroed&oldid=343898"