Guus Smeets

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Guus Sjmeets (officieel Smeets), (6 november 1948- 2 april 2020) gebaore es viefde in 'n gezin van zeve kinger in Valkeberg, waor 'ne tekssjriever en componis van Valkebergse en ander Limburgse leedsjes. Ein aantal van die leedsjes zóng hae jaorelank zelf, same mèt Hans Kengen en Roy, ziene broor. Later allein mèt Hans, es duo, bekènd es Ezzebleef. Versjeije audio-cassettes en cd's zint ónder dae naam oetgebrach. Nao vief jaor samezinge, sjtörf Hans plotseling in 2003. Sjmeets geit dan allein wiejer ónder ziene artieste(eige)naam Guus Sjmeets.

Guus Sjmeets ies op dónderdig 2 april 2020 in 't krankhoes te Zitterd gesjtorve aan de gevolge van 't COVID-19-virus.

Tekssjriever en componis

Diverse bekènde Limburgse artieste zinge leedsjes mèt tekste en muzikaal compositie van zien hand, zoa wie o.a. Angelina, Beppie Kraft en Frans Theunisz (Bér Haagmans), (Felix Richi) (Gino Fey), (El Capsones) (Eric Cruts) oet Mestreech; Big Benny oet Remung; Frans Croonenberg (Hay Bodde) (bedankt en adieje) (Esmeralda) oet Gulpe; Sjef Diederen (D'r Wielly) oet Gebrook (Hoensbroek); de Schintaler oet Sjènne; Thei en Marij oet Tegele; (Eric Ghelen) (Harrie de Witt) (Kingerköpkes) (Mestreech), de Waerknuppele (Elsloo), Anja Bovedenaard oet Zitterd; De Alpenzusjes; Edith oet Munstergelaen; Joy Blijdenstein oet Heële, Ken Heugen oet Valkeberg, Martijn Smeets oet Echt, De Kletsjköp oet Houthem, Bert & John oet Brookhem, Rowena oet Valkeberg en nog väöl mjié.

Sjmeets sjreef ouch mèt versjeie luuj "same" leedsjes: o.a. mèt John Coenen/Jean Innemee/Dries Holten/Lei de Bruyn/Peer Heiligers/Frans Theunisz/Ron Roemen/Koos Snijders/Felix Ritchi/Hans van Wiggen/Conny Peters/Michel Nita/Peter Magné/Mario Biesmans/Frank Ferrari/Eric Cruts/Antonette den Bieman/Guido Frissen/Martin Diederen/Harry Heltzel/Martin Bouwmans/Frank Bessems/Dick van Altena/Lei Kraussen/Wim Roeffen/Jo Keijdener/René Brands/Benny Beckers/Charly Prick.

Finale LVK

3 Kièr kaome leedsjes van häöm in de Finale van 't LVK

1 As ik in dien ouge kiek (Thei & Marij) 1999
2 Iech plök veur diech de sjterre (Hub Bertrand) 2001
3 Veer laote oes neet Kölle (Ezzebleef) 2003

3 kièr in de hauf finale:

Manuela Maria Dolorez 1997 (Ezzebleef)
Roed geel en greun 1998 (Frans Theunisz) (sjtandaard vastelaoveshit gebleve)
Iech höb miene...weer trök 2007 (Egaal)

Finale KVL

(Kinger Vastelaoves Leedsjes Festival) Ièrsjte kièr in de finale mèt eine titel gesjreve ónder pseudoniem

Heidihee Heidihoo (Kinger van de Bassisjaol Vilt)
WINNAAR KVL 2008 te Helden mét 't leedsje: Heidihee heidihoo basissjoal Vilt

de kinger van groep 7 en 8 (gesjreve onder pseudoniem).

WINNAAR KVL 2010 te Valkeberg mét 't leedsje: veer viere vastelaovend tropical basissjoal de Plenkert Valkeberg

Beneuminge

2006 Besjermhiér van de Kinderköpkes (Mestreech)
2007 Drager van de Roaje Bok (Valkeberg)
2010 Gouwe bok gesjote (Vastelaovend op 't gemeintehoes)
2013 Veldeke Oeuvre pries

Videoclips

Ezzebleef 1997 "Hie bies doe riek" Dynamic video (Wiel Verhey)
Ezzebleef 1997 "Diverse titels" Mountain stone video (Harry Bergsteijn)
Ezzebleef 1999 "oh Bella Luna" Gaer gedoon tv registratie (Cris Trines)
Ezzebleef 1999 "Es 't zomer weurt" Media prod Maastricht

Guus Sjmeets 2004 Sterrenpalet "oh bella luna" Vox tv Roermond
Guus Sjmeets 2004 "Geul" Frank Felix video productions
Guus Sjmeets 2005 "Tendum"
Guus Sjmeets 2006 "Tour de France" Tv Valkenburg/Harold Moederscheim
Guus Sjmeets 2007 "Gruétsj dat iech Limburger bin" Bonnie-media

Bekènde Limburgse leedsjes

Teks en muziek van Guus:

Ach wat is 't leve sjoen

1e hit veur de nachraove

Bove de 50 jaor

(volges presentator Pieter Kiewid (L1 radio) bijnao éin van de meist aangevraogde titels in het populaire verzeukprogramma: posbus 34)

Greumele Vla
Het mooie Griekenland
De zon geit weer sjijne
Hot and Cold Emotions
Hie Bin Iech dan (hit veur zanggroep Ezzebleef)
Iech pluk veur diech de stjerre
In 't land achter de raegebaog
Limburgse Meid

(tophit van de Limburgse formatie: "De Schintaler")

Oh Bella Luna

deze titel oet 1992 woort gecoverd door o.a.: zanggroep Fauquemont/Ezzebleef/Die Dao/Frans Croonenberg/De Kinderköpkes/Zangkoar Walram/ Zangkoar One 2 sing en Hermenie Walram, door Martijn Smeets, Huub Eussen, Sjef Diederen, Jean Wijnands, Rowena en Joy Blijdenstein

Roed Geel en Greun

(onge-evenaarde vastelaoves hit, gezonge door Frans Theunisz)

Veer laote Oes Neet Kölle
Viva Tirol

(landelijke hit veur Taai Taai same mét John Coenen gesjreve) - Viva Tirol weurt in 2009 opgenomme door Hansi Hinterseer (Oastenriek)

Wat is 't hey gezellig
Zillertaler Beer
Veer höbbe zin drin
Geul (iech wil diech huére)

Dit nummer dat Sjmeets in 1998 sjreef woort in 2007 door de bekinde Valkebergse dirigent: Wiel Odekerke bewirk veur mannekoar Geulklank. Vandaag de daag weurt 't nummer oetgeveurd door versjeijene koare zoawie:Mannekoar Internos, zangkoar Courage, koninklijk zangkoor Walrams genootschap, koor: one2sing, en väöle andere,.......en auch in China kinne ze dit leedsje.

Dans mèt miech in 't maonleech.

Dit Duét mét Anja Bovedeaard sjtong 4 weke achterein op nr 1 in de L1 Limbo top tièn.

Met een vonk en een vlam (duet mét Andres)
Raeken dr op dat in Limburg blief (Schintaler)

Discografie

1967 Vinyl-single HeHu records België, a kant: "Prove it" b kant: "Crying all day", opgenómme mèt zien orkès "Flash Call" in Brussel
1981 Vinyl single Helderhof records Frits Hindriks & Kasteleinskoar "Doe bies nog neet langs Sjmeets bakkes"
1982 Vinyl maxi single Helderhof Records Mèt o.a.: Frits & Kasteleinskoar/Die van nao 12oer/De Sjtraotzengers oet Vilt/Pierre Janssen de Flierefluiter. Titels: Dat 't vilt woa 't vilt/Fauquemont/Bök en Geite/ Flierefluiter
1984 Vinyl-single Beckerswei en Klante mèt Eduard Spell records Weert
1984 finaleplaats "Vara Country festival" Paradiso Amsterdam mét 't leedsje : Countrysongs and candlelight. (popgroup Ambition)
1986 Vinyl-single Vastenaovend 1986. Mèt o.a.: zate Hermenie: Neet um aan te huère en 't groat Valkebergs Kasteleinskoar. Titels: Vastenaovend/Neet um aan te huère. Spell-records Weert.
1986 Vinyl-single Vastelaovend mèt: De Nachraove Hill records Maastricht.
1987 Vinyl single Marlstone records De Mergelblök. Titels: Op 't Vriethof/Fiësta Mestreech
1987 Vinyl-LP Frans Theunisz en de Nachraove "Rundsje roontelum".Marlstone/Hill. Titels:Boeren kloompen dans/Mac mc Doedel/Petrouschka/Viva cantina Mexico/Nuije voituur/Sjoen Griekeland/Cowboy dans/Ach wat is 't leve sjoen/Gondola/Mallorca/Jodelmelodie/Honolulu/Mien Mestreech. Hill records 07879 LP
1988 Vinyl-single Fiësta Tropicana De Nachraove Marlstone rec Maastricht
1992 Cassette: Pivot Records "'t Vallekeberg geveul". Mèt oa. De Valkebergse Auw Wiever/ Brullentaere/Fauquemont
1993 Cassette: Pivot Records "Fauquemont" Valkebergse leedsjes,
1995 1e cd Ezzebleef "Hie bies doe riek" mèt o.a.Bella Luna/Hie bin iech dan
1996 doorbraak veur Sjmeets es Leedsjes-sjriever mét toenter-tied Limburgs meist verkochte cd (15.000 sjtuks) Golvend Heuvelland van de Schintaler (debuut-cd)Marlstone cdL9629, mèt o.a: Limburgse meid/Greumelevla/Blief neet zitte/door te lege/veer höbbe zin drin
1997 cd Taai Taai "Alles onder kontrol" 6 titels same mét John Coenen mét o.a: Viva Tirol...de 1e landelijke hit veur Taai Taai.
1998 2e cd Ezzebleef "Dit ies veur uuch" mèt o.a. Es iech oet Valkeberg weg zou mótte goon
2000 3e cd Ezzebleef "Van deze tied" mèt o.a.Geul (iech wil diech huère)
2001 Veur de Schintalercd: "Druimdanser in Utopia" sjreef Sjmeets 5 tekste en same mèt zenger Martin Diederen nog ins 6 gans nuuj nummersj.Telstar Tcd 11063-2
2001 t.g.v.20 jaor Preuvenemint kreeg hae van 't Struyscommitee de opdrach um 'n jubileumleedsje te sjrieve: Lang leve 't preuvenemint. Dit nummer woort gezonge door Beppie Kraft en Frans Theunisz. cd marlstone cdL2120

In 2005 goof Marlstone Records 'n cd album oet genaamd:'t Bèste oet de Limbo Top 100 allertijden deil 6 (Marlstone cdl2513) mèt 4 nummersj gesjreve door Guus Sjmeets: Bove de vieftig jaor van Ezzebleef, As ik in dien ouge kiek van Thei en Marij, Limburgse Meid van de Schintaler en Es de nuje daag begint van Frans Croonenberg.
Cd album tradities 1996: Nuuj gesjreve leedsjes euver de tradities van de jónkheidjonkhede in Limburg. Mèt hulp van Henk Thewissen haet Guus onderzeuk gedoon nao alles en nog get mèt betrekking tot dees tradities en toen dao-euver de leedsjes gesjreve. Marlstone cdl 9616, mèt oa. Carboon, Frans Theunisz, Beppie Kraft, Ezzebleef, Sjra Puts, Ben Erkens, Jef Diederen, Jean Innemee, Zjèr Bataille, Conny Peters, Henk Steijvers.
Projek-cd: Kerstgroet uit Limburg , acd music 2005 cd 181105, 17 nuuj Keersjnummersj gesjreve door Guus Sjmeets veur de volgende artieste: Marleen, OH Jeij, Patrick Rodger,Limbo Express, Maud Jacobs, Guus Sjmeets, Anita, Louisa, Plakplaosters, Henk en Rita, C'est la Vie, Eva Krauth, Millenium Duo, Toezjoers Doesz, Die Dao en Ruud de muzikant.
Van 't nummer "Geul iech wil diech huère", dat Sjmeets in 1999 sjreef ies in 2007 'n ganse nuuj opname gemaak bie studio A recordings te Stein dit in samewèrking mèt Harmonie Walram o.l.v. Jos Paffen en 't Valkebergs zangkoar One 2 sing.
Ein van de hoagtepunte in de carriere van Sjmeets waor 't feit dat hae mèt Andres (van Sandra en Andres) same leedsjes ging sjrieve. Ze naome same ein duèt op (Met een vonk en een vlam). Sjmeets zingk Valkebergs terwiel Andres (Dries Holten) Nederlands zingk. Same sjreve Holten en Sjmeets leedsjes veur Hotels o.a: Parkhotel Rooding en Hotel Bemelmans
Sjmeets sjreef leedsjes veur twiè cd albums en 'n single cd veur 't Mestreechse kingerkoar: De Kinderköpkes.
Op advies van Guus woorte video-opnames gemaak in de Valkebergse Fluwelegrot. Hae sjreef o.a. 'n leedsje: "Fantasere" dat geit euver sjpoake en drake.

De allerièrsjte Nationale top 100 notering veur Sjmeets kaom in juli 2008

Roy Raymonds mét 't leedsje "Zomer op het plein" kaom binne in de nationale top honderd op nr 82

Doad van Sjmeets

D'r Sjmeets woort in de lèste week van mièrt krank. Hae klaagde euver koppien, kreeg koorts en meujte mèt aome. Op vriedig 27 mièrt woort hae opgenome in 't krankehoes en op 2 april 2020 ies hae op 71-jäörige laeftied gehiemeld.