Formule 3

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


De Formule 3 is nao de Formule 1 en'ne GP2 de belangriekste formuleautoklasse.

Formule 3 oet 1949 met 500-cm³-BMW
March-Toyota Formule 3 op'pe Nürburgring 1976

Qua riejsjtiel is de Formule 3 waal te vergelieke mit de Formule 1, mit 't versjil det de krach en'ne sjnelheid in'ne Formule 1 ein sjtök hoger ligke. In'ne Formule GP2 is biejveurbeeldj ein heel anger riejsjtiel neudig: 't is meer gooi- en sjmietwerk den sjtrak binne de liene rieje.

In taegesjtelling toet de Formule 1 haetj de Formule 3 versjillendje kampioensjappe. De belangriekste is de Formule 3 Euroseries, dit is 't resultaat van 't samenvoege van de Franse en Duitse Formule 3-kampioensjappe. Ach van'ne teen races van dit kampioensjap vinje plaats tiedes evenemente van'ne DTM.

Ein anger belangriek kampioensjap is 't Ingelse Formule 3-kampioenschap, van wo oet ouch al väöl succesvol coureurs kwaame. Daonaeve zeen d'r in Europa nog nasionaal Formule 3-competities in onger meer Italië en Sjpanje. In Duitslandj waerdje, om 't gaat op te vulle det ontsjtong nao 't opgaon van 't Duits Formule 3-kampioensjap in'ne Euroseries, in 2003 de nasionaal Recaro Formel 3 Cup. Boete Europa zeen d'r Formule 3-kampioensjappe in onger andere Japan en Zuud-Amerika.

Naeve de nasionaal kampioensjappe zeen d'r drie grote Formule 3-evenemente: de BP Ultimate Masters of Formula 3 in Zandjvoort, de Grand Prix van Macau en de Korean Superprix in Changwon.

Gedoerendje lange tied waas de jaorlikse Formule 3 race in Monaco - dae tradisioneel waerdje verreeje tiedes 't wiekend van'ne Grote Pries van Monaco Formule 1 - de belangriekste Formule 3-afsjpraok van 't seizoen. Deze wedsjtried waerdje tösse 1997 en 2005 neet verreeje en waas in 2006 ongerdeil van'ne EuroSeries.

Nederland[bewirk | brontekst bewerken]

In Nederlandj is d'r ein professioneel Formule 3-team, Van Amersfoort Racing oet Hoeze(NL: Huizen). Onger angere Jos Verstappen, Tom Coronel, Christijan Albers, Bas Leinders, Huub Rothengatter, Jaap van Lagen en Ho-Pin Tung höbbe biej Van Amersfoort gereeje. In 2005 waerdje Van Amersfoort Racing kampioen in'ne Formule Renault 2.0 mit Renger van der Zande en derde met Récardo Bruins. In 2006 reej Van Amersfoort Racing mit Récardo Bruins en Carlo van Dam in 't Duits kampioensjap.

Kiek ouch biej[bewirk | brontekst bewerken]

Externe links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Formule_3&oldid=340832"