GP2

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


De GP2 Series, wovan GP2 de aafkorting is, is ein vorm van autosjport die is geïntroduceerdj in 2005, volgendj oet ein lang discussie euver de 'kweekviever' van'ne Formule 1, de Formule 3000. Dit 'format' wasa bedachtj door Bernie Ecclestone en Flavio Briatore.[1]

Om 't veur teams geliek te haaje en om 't ein perfecte training veur de Formule 1 te laote zeen, höbbe alle teams in'ne GP2 ein geliek chassis, gelieke motors en gelieke benj, zodet 't allein maar drejtj om'me sjtuurmanskuns.

De auto's in'ne GP2 Series[bewirk | brontekst bewerken]

De GP2 Series auto weurdj gebroektj door alle teams en haetj ein Dallara chassis mit eine V8 motor van Renault en Bridgestone benj.

Chassis[bewirk | brontekst bewerken]

De 2007 specificatie van'ne GP2 auto is ontwikkeldj door Dallara Automobili. Idder jaor is d'r waal veuroetgangk in'ne GP2, de auto oet 2006 haaj biejveurbeeldj eine döbbele achtervleugel, dae in 2005 allein in'ne race in Monaco waerdje gebroektj.

Motor[bewirk | brontekst bewerken]

De 4 liter Mecachrome V8 motor haetj interne, cartographische en upgrades in'ne software gehadj, om te zorge veur ein baeter verbranjing van'ne brandjsjtof en baeter prestaties. De motor produceertj ongeveer 580 pk's (432.5 kW).

Versjnellingsbak[bewirk | brontekst bewerken]

De versjnellingsbak oet 2006 waas gemaaktj door GearTek en haetj software upgrades ongergange en haaj ein nuujer, baeter systeem om baeter te sjaakele.

Benj[bewirk | brontekst bewerken]

Bridgestone is de enige leeveranceer van benj in'ne GP2 Series.

Gegroefdje dreugwaerbenj waerdje gebroektj wie de series begoste in 2005, dees regel waerdje verangerdj in 2006 wie de teams de zogenaamdje 'slicks' moste gebroeke.

Bridgestone maaktj drie saorte benj, 'compounds' veur race op ein dreug baan (zach, medium en hel), en 'tzelfdje veur race op ein naate baan, maar dan mit ein 'wet specification'. De keuze van'ne benj hingk van'ne teams en'ne organisatore van idder GP2 Series event aaf.

Prestasies[bewirk | brontekst bewerken]

Afgaonde op research en sjtabiliteitstests veur 't seizoen, kos 't 2005 model van 0 nao 200 km/h in 6.7 seconde. De auto haetj een topsjnelheid van 320 km/h, det beteikendj det 't de sjnelste einzitter is nao de Formule 1, Champ Car en de Indy Racing League auto's. De auto's zeen gemaaktj om minder dan teen seconde per rundje langsamer te zeen dan de typische Formule 1 auto.

Race weekend[bewirk | brontekst bewerken]

Op vriedaag höbbe ze ein vriej training van 30 minute, en ein kwalificatie sessie van 30 minute. De kwalificatie besjlistj de sjtartopsjtelling veur de race op zaoterdaag, die ein lengte haetj van 180 kilomaeter.

Tiedes de race op zaoterdaag mot iddere coureur eine pitsjtop maake wbiej hae/ziej minstens twee benj mot wissele.

Op zondaag (behalve in Monaco) is d'r eine sjprintrace van 120 kilomaeter. De sjtartopsjtelling weurdj bepaaldj door de resultate van zaoterdaag, maar de top 8 weurdj omgewisseldj; det wiltj zegke det de nummer 8 van zaoterdaag van pole-position sjtartj en de winnaer van zaoterdaag van plaats 8.

Puntjetelling[bewirk | brontekst bewerken]

  • Pole voor de race zaoterdaag: 2 puntje
  • Race op zaoterdaag: 10-8-6-5-4-3-2-1 puntje veur de top 8 finishers.
  • Race op zondaag: 6-5-4-3-2-1 puntje veur de top 6 finishers.
  • Sjnelste Runj: 1 puntj in iddere race. Om de sjnelste runj in dien bezit te höbbe, mos se tenminste 90% van'ne race höbbe gereeje. De coureur mot noe ouch van zien offisjeel sjtartpositie vertrekke om de sjnelste runj te kinne klokke, det wiltj zegke det de coureur neet moog blieve sjtaon, zodet de desbetreffendje coureur van achteraaf mot sjtarte.

Kampioene[bewirk | brontekst bewerken]

Jaor Coureur Team
2005 Nico Rosberg ART Grand Prix
2006 Lewis Hamilton ART Grand Prix
2007 Timo Glock iSport International

Seizoene[bewirk | brontekst bewerken]

2005[bewirk | brontekst bewerken]

't Seizoen 2005 waas de eerste van'ne series, 't verving 't ter ziele gegange Formule 3000-kampioensjap. Arden International won de letste F3000-titels, dus sjtardje det jaor es ein van'ne favoriete.

't Seizoen 2005 begos op 23 april 2005 in het weekend van'ne Grand Prix van San Marino op 't Autodromo Enzo e Dino Ferrari in Imola, Italië. In 't veurseizoen mos ein test de sjtartnummers bepaale, de teams van iSport International en HiTech Racing leete häöre competatieve kantj zeen en deeje dit. 't HiTech-team is gerundj door veurmalig Formule 1-kampioen Nelson Piquet om ziene zoon richting de Formule 1 te kriege.

't Kampioensjap besjtong oet 23 races, 2 races per weekend behalve in Monaco, wo maar eine race weurdj gereeje. Dit kampioensjap waerdje gewonne door de Duitser/Fin Nico Rosberg, dae directj waerdje gecontracteerdj door 't Formule 1-team van Williams.

2006[bewirk | brontekst bewerken]

't Seizoen 2006 waas 't tweede van'ne series. Naodet kampioen Nico Rosberg waas vertrokke nao 't Williams F1 team, en runner-up Heikki Kovalainen vertrok om zich te richte op zien rol es reserveriejer van Renault F1, wodoor Nelson Piquet Jr. in'ne auto van Piquet Sports de grote titelfavoriet waas gewoore. Toch waas 't team van ART Grand Prix mit de coureurs Alexandre Prémat en Lewis Hamilton ouch ein van'ne favoriete, ziej waare immers de regerendje kampioene.

Voor 't eers waas de kalender neet geliek aan de kalender van'ne Formule 1, want 't GP2 seizoen begos op 't Circuito Ricardo Tormo, in Valencia, Spanje op 8 april 2006, wo Piquet Jr. de eerste winnaar waas.

Piquet ging nao ein vreug leiding in het kampioensjap, veurdet Lewis Hamilton trökkwaam. Ein paar dominante races van'ne jonge Brit brach 'em aan'ne leiding van het kampioensjap, wodoor Piquet Jr. waal get trök mos doon.

Nao ein sjpannendj kampioensjap wo in 20 races langk waerdje gevochte, claimdje Hamilton de titel op in de einerletste race, op 't Autodromo Nazionale Monza, in Monza, Italië, en vierdje 't mit ein tweede plaats in'ne 21e en letste runj.

2007[bewirk | brontekst bewerken]

De GP2 Series begos op 13 april op 't Bahrain International Circuit, en eindigdje op 30 september op 't Circuit de Valencia. De Duitse coureur Timo Glock van iSport International behaoldje dit jaor de waereldtitel.

2008[bewirk | brontekst bewerken]

De data van'ne races van'ne GP2 Series in 2008 zeen nog neet bekindj. Vewachtj weurdj det 't seizoen, net zowie in 2006, zal beginne in Valencia, Sjpanje. In 2008 zal d'r veur 't eers in de nuuje auto waere gereeje, de GP2-08. Deze zal toet en mit 2010 gebroektj waeren. Alle kampioene van'ne GP2 toet noe toe zeen ouch gepromoveerdj nao de Formule 1, dus det zal extra motivatie zeen veur de coureurs dit jaor.

Extern link[bewirk | brontekst bewerken]


Citeerfout: De tag <ref> besteit al, meh de tag <references/> is neet aangetróffe

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=GP2&oldid=340840"