Formule 3000

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


De Formule 3000 waas ein raceklasse die haetj besjtange van 1985 toet 2004.

De Formule 3000 waerdje in 1985 in Silverstone opgerich door de FIA. De Formule 3000 verving de te duur bevonje Formule 2 en golj es opsjtap nao de Formule 1. De naam Formule 3000 refereertj aan'ne motorinhoud van 3000 cc. In'ne periode 1985-1995 moogdje teams häör uitrösting van versjillendje leeveranseers betrekke, vanaaf 1996 waerdje d'r in identieke auto's geracet. Lola, Zytek en Avon waerdje door de FIA es leeveranseers van respectievelik chassis, motors en benj aangeweze. De motor van eine Formule 3000 racewage haaj zowie gezag eine inhoud van 3000 cc, ach cilinders en genereerdje 500 pk. 't toeretal waas begrensdj op 9000 toere. Formule 3000-coureurs waare meistal aafkomstig oet de kartcompetitie en ambieerden eine doorsjtroum nao de Formule 1.

De sjtartplaats in eine Formule 3000 race waerdje bepaald door ein kwalificatiesessie. De coureur mit de sjnelste rundjetied sjtardje vanaaf de eerste plaats, de zogenumpdje pole position. Eine coureur dae tiedes de kwalificatiesessie eine tied van meer dan 107% van'ne coureur op pole position neerzat, kwalificeerdje zich neet veur de hoofdrace. Gezeen 't identieke materiaal, waare de versjille in'ne kwalificatie minimaal. Meer es in'ne Formule 1, wo ein cruciaal rol veur 't matriaal is weggelag, sjpeelde in'ne Formule 3000 de kwaliteite van'ne coureur ein rol. In eine Formule 3000 race sjtardje maximaal 26 wages vanoet sjtilsjtandj, dit naodet ze ein warming-up runj höbbe gereeje. De zes coureurs die in eine race 't hoogste eindigdje kreege respectievelijk 10, 6, 4, 3, 2 en 1 puntj(e). Daegene dae nao ein seizoen van teen of twelf races 't hoogste puntjeaantal haaj verzameldj, moogdje zich waereldkampioen numme.

In 2004 waerdje de Formule 3000 opgevolgdj door de GP2. Naeve de Formule 3000 besjtuitj d'r nog waal de Euro F3000, wo geracet weurdj mit aaj Formule 3000 wages.

Coureurs[bewirk | brontekst bewerken]

Coureurs die succesvol waare in'ne Formule 3000 zeen onger angere Vitantonio Liuzzi, Robert Doornbos, Sébastien Bourdais, Justin Wilson, Nick Heidfeld, Juan Pablo Montoya, Olivier Panis, Luca Badoer, Jean Alesi, Tomas Enge en Bruno Junqueira

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Formule_3000&oldid=340838"