Jos Verstappen

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Jos Verstappe bie de A1-test in 2005

Jos Verstappen (Mofert, 4 mieërt 1972), voloet Johannes Franciscus Verstappen, is 'ne Limburgse ex-A1-GP- en ex-Formule 1-coureur. Hae waas getrouwdj mit de Belzje, ex-Kartcoureur Sophie Kumpen (de nich van Paul Kumpen, Rallycross kampioen van 't Belsj in 1987, en ziene zoon Anthony Kumpen, 'nen actieve FIA-GT-WK-coureur) mit waem hae twieë kinjer haet: Max en Victoria.

Gesjiechte[bewirk | brontekst bewerken]

Jos Verstappe waerdjen op 4 mieërt 1972 gebaore. Al op 8-jäörige laeftied kreeg d'r 't racevirus te pakke. Oppe daag det Jos zien ieëste hèlge kómmune deej huuerdje d'r bie 't verlaote vanne kirk motergeraochel. Same mit zie vader ging d'r kieke. 't Bleek 'n kartrace te zeen dae in 't dörp georganiseerdj waerdje. Vader en zoon wore medein verkoch en 't doerde dan ouch neet lang veurdet Jos veur 't ieës zelf op 'ne kart zoot. Na twieë jaor waas Jos riep (en aad genóg) óm wèdstriede te vare.

De kartcarrière van Jos waerdjen ech serieus in 1982 doe d'r lenjelike wèdstriede ging vare. 't Ieëste succes koom in 1984 wie 't Nederlands kampioensjap veur juniore waerdje behaoldj. In 1986 haoldje Jos opnuuts de Nederlandse titel. De grótste kartsuccesse haoldje Jos in 1989. Hae wón det jaor e groeat aantal internationaal races, en waat mieër is, twieë Europese titels.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Jos_Verstappen&oldid=349417"