De Heeg

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan De Heeg

De Heeg is 'n wiek vaan Mestreech, in 't zuidooste vaan de stad. Ze is gebouwd in de jaore '70 en '80 vaan de veurege iew.

De wiek besteit groetendeils oet liegbouwwoeninge verdeild euver woenerve. De sporadische hoegbouw is euver 't algemein neet hoeger es 4 verdepinge, allein bij 't winkelcentrum Roserije en aon de Welsdaal stoon hoeger gebouwe. Groofeweg is de wiek in drei deile te betrachte: de straote die eindege op haag (de Hage), de straote die eindege op borg (de Borge) en de straote die eindege op daal (de Dale).

In 1981 woort ouch de parochiekèrk vaan dees wiek gebouwd, die gewijd is aon de HH. Monulfus en Gondulfus. D'n ierste pestoer waor Frans Wiertz, dee later bisjop vaan 't bisdóm Remun zouw weure.

De wiek heet 'n eige sjötterij, die ouch De Heeg hèt. De vastelaovendsvereiniging vaan de wiek hèt De Kribbebieters. Weijer gaof 't 'n voetbalvereiniging, VV De Heeg, die woort evels op 30 juni 2017 opgeheve.

In de buurt ligk de toremeule van Groonsveld.

Extern linke

• Buurtnetwerk De Heeg
• Parochie de Heeg
• sjötterij De Heeg
• Vastelaovendsvereiniging De Kribbebieters