Craemsjnitje

Van Wikipedia
Gank nao: navigatie, zeuke

Dit artikel is gesjreve in 't Tegels. 't Weurt gewaardeerd óm in dit artikel 't Tegels aan te hauwe of aan te gaeve welk anger dialek gebroek is.


Tom Pouce Dutch pastry.JPG

Craemsjnitje (Nederlands: tompouce of tompoes) is 'n Nederlands gebak. 't Rechheukig taertje besteit oet twieë läögskes bladerdeig, de bäöveste met roze glezuur, met daotösse vanielje roum. Met Koninginnedaag wuurt oranje glezuur gebroek.

Oorsjprong en etymologie[bewirk | brontekst bewerken]

't Craemsjnitje woort bedach in de 19e iew door 'ne Amsterdamse banketbekker. Hae verneumde zien taertje waorsjienlik nao General Tom Thumb, 'ne dwerg oet 't Amerikaanse circus van Phineas Taylor Barnum, dae Napoleon naodeej. General Tom Thumb waas de artisnaam van Charles Sherwood Stratton en verwies nao Tom Thumb, de Ingelse naam van Klein Duumke oet 't gelieknamige sjpreukske van de breurs Grimm. Klein Duumke wuurt in 't Frans Tom Pouce geneumd.

In 1941 neumde Marten Toonder zien stripfiguur Tom Poes nao tompoes, de Nederlandse naam veur 't craemsjnitje.

Craemsjnitje in angere lenger[bewirk | brontekst bewerken]

In Belsj en Frankriek besteit 'n gebak det mille-feuille (in Belsj ouch glacéke) wuurt geneump en waal 'n bietje op 't craemsjnitje sjtaalt, maar toch 'n anger saort taertje is. De mille-feuille woort in 1651 oetgevonge door François Pierre de La Varenne oet Frankriek.

In Pruses en Oesteriek heit 't gebak Cremeschnitten, zoeëget 't zelfde wie in deile van Nederlands Limburg, Kroatië (Kremšnite) en Israël (קרם שניט , oetgesproake as krem-shjniet). De meiste Ingelstalige lenger neume 't custard slice en in de Vereinegde State heit 't napoleon of nap, in Noorwege Napoléon's kake, in Zwaede napoleonbakelse en in Rösland Наполеон, ofwaal Napoleon.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Craemsjnitje&oldid=343858"