Blegny

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.

---

Liegking van Blégny in de provincie Luuk

Blegny (Welsj Blegneye, plaatsjelèke oetsjpraak Blènjé) is 'n gemèngde gelaege in 't Laand va Herf in de provincie Luuk in Wallonië op 't Belsj. In dis gemèngde loog de lètst geëxploiteerde kaolemien in 't Luukse. De koel waoërt op 11 maart 1980 gesjlaoëte en in juni van dat èègeste jaor waoërt, nao get aanpassingswerke 't mienmuseum vór 't publiek aoëpegesjtèld. De Bolland en de Julienne sjtreume dör Blegny.

Demografie

Blegny tèlde op d'r 1sjte juli 2004 12660 inwoners op 'n oppervlakte van 26,08km². De gemèngde is oontsjtande bie de fusie van 1 januari 1977; d'r naam Blegny waor d'r naam van 'n gehuch van 't dörp Trembleur.

Krèègsmonumaent

Aander kerne

• Barchon
• Housse
• Mortier
• Saint-Remy
• Saive
• Trembleur

Historie en bekiekenswaeërd

• Op 6 augustus 1914 tokke Duutsje troepe dör Blégny. D'r sjneuvelde 19 börgers en 40 hoezer waoërte vernield.
• 't Mienmuseum en de vörmalige kaolemien.

Externe leenk

• Website van de gemèngde
• Blegny-Mien