Harie Eussen

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Harie Eussen (in 'n paar bloomlezinge weurt 'r Hub Eussen geneump), (1901-1954), waor 'ne Limburgstalige diechter (in 't Ranzels) oet 't gehuch Ransdel bie Klumme in Zuud-Limburg. Zien beroep waor kandidaat-notaris. Hae neumde zichzelf gaere Harie va g'n Grach, nao de plek woa hae gebore is.

Hae sjreef toneelsjtökker in 't Ransdels, maakde ein "Klank- en vormlièr" en 'n lies van werkweurd van 't Ransdels dialek. Eussen beweert dat 't dialek euverein kump mèt dat van Klumme. De gehuchte Gerieësjbrich, Geweustrao höbbe get ander oetsjpraok van bepaalde weurd en 't versjil mèt 't Sjins en 't Wieldersj ies vrie groat. 't Versjil mèt 't Valkebergs ies bès opvallend. Klumme lik op de grens van 't versjiensel r-sjoew. Versjillende dialekte ten oaste van Valkeberg laote de r in bepaalde gevalle wegvalle, veural veur 'n t aan 't woordeind: poaët= poort, weut= woorden; zjwat= zwart. 't Ransdels haet väöl Heerlese kènmèrke meh gebruuk die r waal nog.

publikaties[bewirk | brón bewèrke]

sjtäölke[bewirk | brón bewèrke]

" De ieësjte rumple kaome
en kerfde zie gezich
't Maike woeërt bedaarder
en zjwoeërder va gewich
Pös op 'ne gowe mörge
't zuchde: is 't da waor?
want in z'n vingre heel 't
werechtig...ei gries haor!

oet 't Maike, Mosalect 1975


Zuug ouch[bewirk | brón bewèrke]

Wikibrónne
Wikibrónne
Wikibrónne haet ouch 'n pazjena mit sjtäölkes en brónne euver Harie Eussen.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Harie_Eussen&oldid=433978"