Zwart Woud
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Zwart Woud (Duits: Schwarzwald) is e diech bebos gebeed en middelgebergte in 't zuidweste vaan Duitsland, gelege in de deilstaot Baden-Württemberg, aon de Rien en aon de Franse grens.
't Is 't groetste middelgebergte in Duitsland. Geologisch is 't verwant aon de Vogeze, die aon de Franse kant vaan de Rien ligke. D'n hoegsten tóp vaan 't Zwart Woud is de Feldberg mèt 'n huugte vaan 1493 meter bove NAP.
't Zwart Woud is 't groetste bosgebeed in Duitsland en besteit hoofzakelek oet denne- en sparrebuim. Allewijl is 't Zwart Woud ein vaan de populairste toeristebestumminge in Duitsland.
De Romeine neumde de berg mèt zien kinmerkende doonker naoldbuim Silva Nigra - "'t Zwart of Doonker Woud", wat veur hun oonheilspellend en bijnao ondoordringbaar waor. 't Duitse woord Schwarzwald woort veur d'n ierste kier in e documint vaan 't Zwitserse kloester St. Gallen oet 't jaor 868 gebruuk.
'n Bekinde autoroute is de Schwarzwald-Hochstraße, B 500 en de Uhrenstraße. 't Zwart Woud is wereldwied bekind door de sprookjes vaan de gebreurs Grimm.
Geografie
[bewirk | brón bewèrke]Plaotse
[bewirk | brón bewèrke]Mere
[bewirk | brón bewèrke]'t Gief versjeie mere in 't Zwarte Woud:
- Titisee
- Glaswaldsee
- Mummelsee
- Kirnbergsee
- Feldsee
- Schluchsee
- Hotzenwald
Lies vaan de hoegste tóppe
[bewirk | brón bewèrke]- Feldberg (1493 m)
- Herzogenhorn (1415 m)
- Belchen (1414 m)
- Schauinsland (1284 m)
- Kandel (1243 m)
- Hornisgrinde (1164 m)
Trivia
[bewirk | brón bewèrke]- De Schwarzwälder Kirschtorte is 'n bekinde toert die ziene naom oontlient aon 't Zwart Woud, allewel heer woersjienelek neet in 't Zwart Woud "oetgevoonde" is.
- Ouch de koekoeksklok is hei bedach.
