Wouter Koolmees

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Koolmees in 2010 es parlemintair lid

Wouter Koolmees (Capelle aon d'n IJssel, 20 miert 1977) is 'ne Nederlandse politicus en ikkenoom vaan de D66. Sinds 26 oktober 2017 is heer minister vaan Sociaol Zake en Wèrkgelegeheid in 't Kabbinèt-Rutte III.

In 2001 waor Koolmees veerdeg mèt zien studie Sociaol en Institutioneel Ikkenomie aon de Universiteit vaan Utrech. Vervolges góng heer wèrke veur 't Nederlands Ikkenomisch Instituut (Nederlands Economisch Instituut). Vaan 2003 bis 2010 wèrkde heer es D66'er in 't ministerie vaan Financië, iers es ambteneer in de algemeine finananciële en ikkenomische polletiek, daonao es ambteneer inspectie. In 't lèste jaor waor heer hoof vaan 't begroetingsbeleid.

Vaan 2010 bis 2017 waor heer Twiede Kamerlid veur D66. Datzelfde jaor woort heer al door de parlemintaire peers oetgerope tot polletiek talent vaan 't jaor.

Centraol in zien carrière es minister vaan Sociaol Zake en Wèrkgelegeheid is zien verantweurdelekheid um 't pensioenssysteem te hervörme: de koste loupe te hoeg op en de staot kin 't riekeleke pensioensysteem neet mie financiere. Umtot bekans ederein d'r achteroet op zal goon mèt dees hervörminge kin Koolmees op väöl kritiek rekene vaan media, pensioenboonde es-ouch börgers.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wouter_Koolmees&oldid=438837"