Wolgograd

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Diverse bezunder gebouwe en plaotse in Wolgograd. Me zuut mèt de klok mèt: 't Standbeeld ’t Vaajerland reup, 't Gerhardt-febrik, de Mamajevheuvel, de metro, 't Planetarium en de statie.

Wolgograd (Russisch Волгогра́д) is 'n stad in Rusland, de hoofstad vaan 't gelieknaomeg oblas, aon de Wolga, mèt oongeveer 'n mieljoen inwoeners (1.021.215 bij de volkstèlling vaan 2010). De stad heet 'n industrieel karakter.

Wolgograd woort in 1589 veur 't iers geneump es Tsaritsyn, umtot 't aon de plaots ligk boe 't reveerke de Tsaritsa in de Wolga löp. De plaots laog toen aon de grens vaan 't Russisch riek, in veurmaoleg Tataars gebeed. De ierste iewe beteikende 't neet väöl, meh in de negentienden iew greujden 't oet tot 'n belaankrieke handelsplaots. In 1925 woort Tsaritsyn umgeduip tot Stalingrad. Oonder dee naom woort de stad wereldbekind door de slaag bij Stalingrad, boe 't Roed Leger de Wehrmacht in 1942 en 1943 'ne zwoere slaag touwbrach. Deze slaag weurt dèks es d'n ummekier in d'n Twiede Wereldoorlog gezeen. In 1961 góng de stad, in verband mèt de destalinisatie, Wolgodrad heite.

Inwoeners vaan de stad höbbe dèks gevraag um de naom weer trök te veraandere in Stalingrad, veural um de associatie mèt de wereldbekinde slaag. Russische monarchiste en de Russisch-Orthodoxe Kèrk veule mie veur 'n herneuming nao Tsaritsyn. Opeinvolgende regeringe vaan de Sovjet-Unie en Rusland höbbe dao (nog) gei gehuur aon gegeve.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wolgograd&oldid=427909"