Wolfeboro

Van Wikipedia
Naar navigatie springen Naar zoeken springen

Dit artikel is begós in 't Mestreechs. Laes hie wie v'r mit de versjillende saorte Limburgs ómgaon.


Jachhave vaan Wolfeboro vaan euver Lake Wentworth.

Wolfeboro is e dörp in Carroll County, New Hampshire, Vereinegde Staote. Bij de volkstèlling vaan 2010 woende dao 6.269 lui. De klein plaots ligk aon 't Wentworth State Park. De plaots Wolfeboro umvat administratief ouch 't gehuch Wolfeboro Falls.

Wolfeboro woort in 1759, nog in de koloniaolen tied, gestiech door veer jong maanslui oet Portsmouth en geneump nao de Britse generaol James Wolfe. In 1770 woort de plaots geïncorporeerd (wat wèlt zègke tot ze 'n eige bestuur kraog).

Wolfeboro steit in groete deile vaan New England bekind es vakantieplaots. Al in 1771 leet baronet John Wentworth hei e zomerhoes bouwe. De plaots liet ziech gere 't 'ajdste zomerverblief vaan de Vereinegde Staote' neume. Nog ummertouw is 't populair bij rieke lui oet beveurbeeld Boston. Oonder mie prins Rainier III vaan Monaco en zien vrouw Grace Kelly, Kurt Vonnegut, Jimmy Fallon en Nicolas Sarkozy höbbe hei verkaantie gehawwe.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wolfeboro&oldid=424915"