Willem Nolens

Van Wikipedia

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Mgr. Willem (Wiel) Hubertus Nolens

Willem Hubert Nolens (Venlo, 7 september 1860 - Den Haag, 27 augustus 1931) waas eine priester en politicus.

Mgr.Prof. Mr. Dr. Willem Hubert Nolens woort gebaore op op de Groeëte Baekstraot as zoon van eine laerloeëjer.

Studie[bewirk | brón bewèrke]

Nolens studeerde aan de 3-jäörige H.B.S. in Venlo. Aansloètend ging Nolens nao 't Bisschoppelik College in Wieërt. Vanaaf 1878 vervolg Nolens zien studie in Rolduc wao hae filosofie studeerde. In 1880 woort Nolens toegelaote op de Rièks Universiteit van Utrecht. Heej studeerde hae rechte. Nao aafsloèting van dees studie ging hae nao Remund um dao theologie te studere. Naevebeej deej hae zien doctoraal in de rechte (1884) en zien doctoraal staatsweitenschappe (1885).


De volgende sectie van dit artikel is gesjreve in 't Gelaens.

Poletiek[bewirk | brón bewèrke]

Nolens volgde Herman Schaepman op es poletiek leijer van de roams-kathelieke in 't begin van de twintigste eëuw. Hae waas 'ne democratisch gezinde katheliek dae zich inzat veur de arbeidersjklasse en veur verbaetering van de sociaal wètgaeving wodoor hae, net es Schaepman, dèkser in conflict raakde mèt de euverwaegend conservatieve roams-kathelieke kamerclub. In 1910 woort hae fractieveurzitter van de roams-kathelieke Sjtaatspartiej wovan hae in 1904 medeoprichter waas; hae bleef fractieveurzitter pes aan ziene doad in 1931. Hae waas formateur van 't eësjte kabinèt Ruys de Beerenbrouck. Zelf koosj hae es preester zeende neet premier waere.
Nolens laog eindj jaore twintig ónger vuur van sómmige, later ummer meë nao extreem-rechs opsjuvende, jóng kathelieke intellectuele. 't Haekeldich De Dreuëm van Nolens van Gerard Wijdeveld zörgde in 1930 veur eine groate rel. Wijdeveld verweet de preester Nolens es politicus te wènnig op te kómme veur godsdeensvriejheid in Nederlandjs-Indië.

Beteikenis[bewirk | brón bewèrke]

Nolens hèj eine groate invlood op de Nederlandjse poletiek van de jaore twintig en dertig van de twintigste eëuw. Hae waas biejzunjer geleef ónger de Limburgse mienwirkersj die väöl van hun verbaeterde laef- en arbeidsómsjtendigheje aan häöm te danke hèjje. De nach veur zien begrafenis ware in zien gebaortesjtad Venlo de sjtraotlantaeres aafgedèk; de begrafenis woort bezoch door tieëndoezende belangsjtèllende.


De volgende sectie van dit artikel is gesjreve in 't Venloos.

Ein euverzich van mièlpäöl in zien laeve[bewirk | brón bewèrke]

Euverige functies[bewirk | brón bewèrke]

  • Oprichter van de Nederlandse Vereiniging veur Wettelike bescherming van de erbeiers
  • Veurzitter van de Miènwerkersbónd
  • Veurzitter van de Miènraod
  • Redacteur Katholiek Sociaal Waekblaad
  • Veurzitter Hoeëge Raod van Erbeid
  • Veurzitter Internationale Arbeidsconferentie

Dees liès is wiedoet neet compleet.

Ter naogedachtenis[bewirk | brón bewèrke]

In Mestreech is ein park nao um verneump, 't Mgr. Nolenspark. In Venlo zien ein plein en ein park nao um geneump, t.w. 't Mgr Nolensplein (ouk bekind as Gaasplein) en 't dao naeve gelaege Mgr. Nolenspark. In dit Venlose park steit ouk ein, in 1953 gemak, monument ter naogedachtenis. In Gelaen haat 't 'n Dr Nolenslaan, 'n Dr Nolensplein en 'n Dr Nolenshof. In Zitterd is 'n Dr Nolenslaan en in Limbricht en Tilburg 'n Dr Nolensstraat. In Waalwijk besteit de Mgr. Nolensstraat. In 1981 is eine kemissie-vergaderzaal van de Twieëde Kamer nao Mgr. Nolens geneump.

Mgr. Nolens is begrave op 't R.K. kerkhaof van Venlo.

Externe link[bewirk | brón bewèrke]

Oetgebreide biografie van Willem Hubert Nolens
Nolens W.H. op Katholiek Nederland Gezètteknipsjels van 't Katholiek Documentatie Centrum

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Willem_Nolens&oldid=456773"