Wiel Hendrickx
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Wilhelmus Gerardus Antonius (Wiel) Hendrickx (Hael, 3 fibberwarie 1908 – Gratem, 18 mieërt 1984) waas 'ne Nederlandjse ruter en rutercoach, gesjpecialiseerd in de samegesjtèlde wedsjtried (eventing).
In 1952 deeg hae mit aan de Olympische Sjpele in Helsinki mèt zien paerd Patrick. Biej de individuele wedsjtried behaolde hae op de dressuur -153,3 punte en biej de steeplechase 27 punte, mer biej de cross country woort hae gediskwalificeerd door drie weigeringe van zien paerd. Veur ’t team, dat wiejer besjtóng oet de Brabantse breurs Ernest en Max van Loon, waas ouch gein succes weggelag, aangezeen allebei zien teamleje, óm dezelfde raeje, ouch gediskwalificeerd woorte.