Weltermeule
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Heëlesj, es te dit dialek sjpriks.
De Weltermeule is ein Watermeule in de gemeinte Heërle.
Besjrieving[bewirk | brón bewèrke]
De meule is ein middesjlaagmeule en sjteit aan de Welterkirksjtraot in ’t sjtadsdeil Welte aan de randj van de Welterviever. De meule wirt aangedreve door water oet deze viever, dae op zien beurt wirt gevoed door de Gelaenbaek.
Gesjiedenis[bewirk | brón bewèrke]
De watermeule wirt al in 1381 geneump en haet toebeheuërd aan 't Hoes Sjtriethage tot Welte, ouch Hoes te Welte geneump. De meule is gerestereerd in 1982. In de Franse tied waas 't complex eigedóm van Philippe Henri Veugen en Jean Godefroid Veugen.
Boew[bewirk | brón bewèrke]
De taengewoordige meule haet 'n Mansardedaak, daakkepelle en eine taore. Naeve de meule is ein woonhoes gelaege dat ouch gedèk is mèt ein Mansardedaak en wiejer nog tweë sjure es biejgeboewe.
Op bezeukesjdaag is de meule in gebruuk.
