Waps
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De waps, weps of wesp (Vespula vulgaris) is 'n insek oete femielie vanne wespechtige (Vespidae).
Kènmerke
[bewirk | brón bewèrke]De gewuuen waps wuuerdj 17 toet 20 mm lank en is stereotiep gekluuerdj in zwart en gael. De saort liek väöl oppe Duitse waps, meh de Duitse waps óngersjèdj zich door drie karakteristieke zwarte stippen oppe kop. De saort kan ouch óngersjeie waere dore zwarte puntje op 't abdomen, die gevèstig zeen op alle zes de segmente.
Laefwies
[bewirk | brón bewèrke]'t Is 'n eusociaal waps die zien pepere ès, det is samegestèldj oet gekawdje houtvezele, döks óngere gróndj boewtj. Hiebie maak de waps meistes gebroek van e verlaote hol es de start veur 't ès. Dit wuuerdj later oetgebrèdj dore wirksters. Dees wasp tuuentj zie nöt inne haof, ómdet die rópsjen en anger sjajelike insekte in toom hèltj.
Verspreijing en laefgebied
[bewirk | brón bewèrke]Dees waps kump väöl veur op 't naordelik halfróndj, wie in Europa, Naord-Afrika en deiler van Azië. De gewuuen waps woort later geïntroduceerdj in Australië en Nuuj-Zieëlandj.