Bekiek brón van Wallonië

{{dialek|Valkebergs}}
[[Image:Map of Wallonia.png|thumb|right|Wallonië]]
[[Image:Flag of Wallonia.svg|thumb|150px|Vlag van Wallonie, d'r Welzje haan.]]

'''Wallonië''' of 't '''Waals Gewes''' (Frans: '''Wallonie''', Waals: ''Walonreye'') ies ein van de drie [[Gewes (Bèlsj)|geweste]] van [[Belsj]]. 't Gewes besjleit miè es de hèlf van 't Belsj gróndgebeed en umvat 't zuje van 't land. 't Aantal inweunersj van Wallonië ies 3.692.283 (2024). De hoofsjtad van 't gewes ies [[Name]] (Namur). Ander groate sjtae zint [[Luuk]], [[Berge]], [[Doornik]], [[Charleroi]] en [[Verviers]]. Wallonië ies in vief provincies verdeild: [[Henegouwe]], [[Name (provincie)|Name]], [[Waals-Braobant]], [[Luuk (provincie)|Luuk]] en [[Luxemburg (provincie)|Luxemburg]]. 

== Wallonië is neet taalhomogeen ==

Wallonië is neet taalhomogeen en besjowd zichèèges ooch neet es zoedanig. De officieel tale van Wallonië zint [[Frans]] (253 gemeintes) en [[Duutsj]] (9 gemeintes). De Waalse gewesregering haet in [[1990]] 't [[Waals]], 't [[Picardisch]], 't [[Champenois]], 't [[Lorrain|Gaumais]] (Lorrain), 't [[Luxemburgs]] en 't [[Ripuarisch|Platduutsj]] es binnelandse regionale tale erkènd. Wallonië ratificeerde 't dör Belsj in [[2002]] getekende [[Kaderverdrag inzake de bescherming van nationale minderheden]].
De Vlamsje minderhède in de Welzje facilitètegemèngdes haant zich inmiddels groeëtendeels verfraanst en haant noeëts öm 'n oetbreiding van de facilitète vör [[Nederlands|Nederlandstalige]] gevraogd. In de gemèngde [[Plombières]] väörziet de [[Grondwet]] dat bewoners facilitète kènne aa-vraoge väör 't Duutsj en/of 't Nederlands. Saer ènnige jaore is in die gemèngde 'n begin gemaakt mèt twieëtalèg Duutsj/Fraans oonderwies, bies op 't niveau van de Middelbaar Sjoeël.

't [[Volksleed]] ies ''[[Le chant des Wallons]]''.

== Vlagge vör behaod va Belsj ==
In Wallonië waoërte tiedens de federaal coaltiebesjpraeëkinge va 2007
mondelaank an priveeweuninge, bies op de klèngste gehuchte, zoonder oproop, sjpontaan de Belzje vlag boete gehange. Daomèt wol me te kènne gaeve dat me von dat Belsj behaowe moes blieve.

==Externe link==
*[https://www.wallonie.be/nl Officieel site van 't Waals gewes]

{{BelzjeGeweste}}

[[Categorie:Wallonië| ]]