Volumia!

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Heëlesj, es te dit dialek sjpriks.

Volumia! waor 'ne negeköppege, Nederlandstaolege popgróp oet Heerle roond veurmaan Xander de Buisonjé. 'r Woort opgeriech in 1992 en maakde in d'n twieden hèlf vaan de jaore 1990 deil oet vaan de Nederlandstaoge popgolf.

Carrièr[bewirk | brón bewèrke]

Volumia! oontstoont in 1992 es coverband op initiatief vaan gitaris en artiestemanager Hans Paul Nieskens. De leie waore lid vaan studentevereineging Volupia oet Heerle; dit verklaort de naom. De ierste vief jaor hele ze ziech bij optrejjes in de anonimiteit, meh in 1997 teikende ze e contrak bij BMG. Dit maakde de weeg vrij veur 't ierste, naomloes album, wat in 1998 versjeen. Veur 't album oet versjeen al de singles "Het is over" en "Afscheid". De ierste, nog versjene in 1997, woort mer 'n besjeie hit; mèt Afscheid haolde de band evels de veerde positie in de Nederlandsen Top 40, en zelfs nommer 2 in de Vlaomsen Ultratop 50. De volgenden hit "Hou me vast" zouw hunne bekindste song weure. 't Album haolde de toppositie in Nederland en de twiede plaots in Vlaondere.

De volgende jaore had de band 'ne solide fanbasis opgebouwd. De twie langspeulers Wakker en Puur zouwe ouch hoeg ouge goeje (zij 't neet zoe hoeg wie 't debuut). De singles vaan die plaote bleve evels sterk achter bij de ieder hits. In 2001, 't zelfde jaor wie Puur, woort ouch 'ne verzameleer oetgebrach. In 2002 góng de band oeterein boenao De Buisonjé en versjèllende aander bandleje veur solocarrières gónge.

Volumia! waor ummer zier populair oonder tiener(meidske)s en won versjèllende prieze vaan d'n Hitkrant en TMF Awards. Volwasse popcritici steurde ziech evels aon 't sterk 'hartevreter'-imago vaan De Buisonjé zoewie aon 't einzijeg karakter vaan de leedsjes.

Bezètting[bewirk | brón bewèrke]

Discografie[bewirk | brón bewèrke]

Albums[bewirk | brón bewèrke]

  • Volumia! (1998)
  • Wakker (1999)
  • Puur (2001)
  • Het beste van Volumia (2001)

Singles[bewirk | brón bewèrke]

  • "Het is over" (1997)
  • "Afscheid" (1998)
  • "Hou me vast" (1998)
  • "Blijf bij mij" (1999)
  • "Hoe lang heb ik te leven" (2000)
  • "Ik vlieg ik zweef" (2000)
  • "Er is altijd een weg" (2000)
  • "Eeuwig zou te kort zijn" (2001)
  • "Jij" (2001)
  • "Nog één keer" (2002)

Bron[bewirk | brón bewèrke]

Dit artikel is gebaseerd op 't corresponderend Nederlandstaoleg artikel, en wel in dees versie.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Volumia!&oldid=437070"