Voeërshoeëve
- Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Mezeikers, es te dit dialek sjpriks.
Voorshoven is e dörpke i de gemingde Mezeik i Belsj Limburg. 't Hat in 2008 1.185 lüj. Drèk zudelig ligk 't dörp Nerotere, oeëstelig Neerhove en noardelig ligk Solt. Al die dörper zint i d'r luëp va de joare miteenanger vergreujt. Kinder, Tungerlo en Opitter ligke óch neet wied aaf. Voorhoven woar as vanaws d'r groeëtste plaatsj i g'n umgeëving en hat t'n tiede va d'r Tachentigjoarige Krieëg (1625) óch inne sjans mit grèppele, deë i de joare 1906-1907 zint gedömp. D'r Schansweg herinnert zich nag aa dat fort. Voorshoven is seër 1952 inne ege parochie. De kirk sjtamt oet 1938 en kinmerkt zich durch e ópvallende puntdak.
