Vlorp-Stasie

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Vlorps. Laes hie wie v'r mit de versjillende saorte Limburgs ómgaon.


De grens bie Vlorp-Stasie.

Vlorp-Stasie (oetsjpraok: Vlórp-Sjtasie) is 'n klein gemeinsjap gelaege inne bósjrieke ómgaeving van 't netuurgebied de Mienwaeg; 't laet óngeveer vief kilomaeter t'n ooste van Vlorp in Nederlandjs Limburg. 't Is 't gebied róndjóm 't veurmaolig grenssjpaorwaegemplacement en de waeg daohaer, de Sjtasieswaeg. Beginnende bie de grenseuvergank Vlorp-Reutebàk löp 't van 't sjpaor van de Iezere Rien tót aan de Rooj Baek en 't veurmaolig franciscaner Sint Ludwigscollege in Vlorp. Dit gehuch besjteit oet inkel hoezer en inkel horecabedriever en grens aan 't Duutsje landjgood Dahlheim, ouch bekèndj es de Dahlheimer Mühle. Bie 't college bevindj zich in de bósj de Sint-Ludwigskepel.

Vlorp-Stasie dank ziene naam aan de veurmaolige sjtasie Vlorp aan de sjpaorlien Antjwerpe - Mönchengladbach. 't Tracé sjteit bekèndj ónger de naam "Iezere Rien"; 'verbónj vreuger Belsj mit 't Ruhrgebied. De sjtasie waerde geäöpend in 1879 en veur perseuneverkeer gesjlaote in 1944. 't Sjtasiegeboew waerd in 1879 geboewd, same mit 'n aantal anger geboewe. In 1885 waerd 'n locloods geboewd en in 1905 boewde Sjtaatssjpaorwaeg nag inkel weuninge. In 1939 waerd Vlorp-Stasie gebroek óm 't lichaam van 'ne veróngelökde Duutsje piloot nao Duutsjlandj trögk te bringe. Hievan is bildmatterjaal in 't Polygoon-journaalarchief. In 1944 raakde de sjtasie besjajig door aorlogshanjelinge. Dae waerd neet meer herstèld, mer in de loup van jaore sjtapsgewies aafgebraoke, 't litste deil in 1973.

In 1984 noom de Maharishi Mahesh Yogibewaeging d'n intrèk in 't kloosterkómpleks. De Sjtasieswaeg dae leid nao Vlorp-Stasie waerde begin jaore neugetig ómgeduip tót Bósjlaan, 't litste deil van deze waeg sjtit nag sjteeds bekèndj es Vlorp-Stasie.

 
Gemeinte Roerdale
Vaan van Roerdale
Dörper: Berg · Ètsberg · Hèrkebósj · Lerop · Melik · Mofert · Paalder · Postert · 't Räötje · Vlorp
Gehuchte en buurtsjappe: Aan 't Brook · Ane Berg · Annedaol · De Berg · De Borg · De Donk · De Hols · De Varsj · De Watersjei · Mienwaeg · Oppe Roskam · Reutebàk · Tösje de Brögke · Varsjerveld · Vlorp-Stasie · 't Zittert
Angers: De Berg · Reewoude · Wensberg
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vlorp-Stasie&oldid=356573"