Vietsj

Van Wikipedia
(Doorverweze van Vitsj)
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


't Vlechwerk mèt vietsje, wietsje en leim in 't vak van 'n vakwerkhoes in Houtem

'ne Vietsj, vitsj, viets of vits ies e sjtök vlechhout, dat gebruuk woort in de vakwerkboew. 't Zint de rechopsjtaonde sjtökker hout van ca 4 cm breid, die tösje 't balkwerk van e vak woorte geklemp, op zoan 30-40 cm oetrein. Daodoorheen vloch me de wietsje. Dat woort 't riejwerk geneump. Rieje beteikent vlechte, vergeliek 't woord riejsjtartel. Tösje 't riejwerk woort daonao leimpratsj geklaend en daonao gladgesjtreke.

Etymologie[bewirk | brón bewèrke]

Van oarsjprong zou 't woord 'n aafleiing zin van wiej (wilg). 't Werkwoord vitsen (MND) beteikent: mèt tiène vlechte. De wietsj ies 'ne tièn van de wiejeboum.

Vietsjelaer[bewirk | brón bewèrke]

Emes dae good koes vietsje, mèt de vietsje en de wietsje, woort 'ne vietsjelaer geneump. Later weurt 't gezag tege emes dae hièl hendig ies.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vietsj&oldid=186334"