Vervalperduk

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


E vervalperduk is 'nen isotoop dae door radioaktief verval van 'ne radio-isotoop óntsjteit. Zo vervèlt beveurbeeld koolsjtof-14 door β-verval nao sjtiksjtof-14:

Sjtiksjtof-14 is 't vervalperduk en is zelf sjtabiel.

E vervalperduk kan ouch 'nen insjtabiele (radioaktieven) isotoop zeen. Zo vervalle de langlaevende isotope van uranium en thorium oeteindelik nao lood, mer ze doon det in 'n kitting mit e vrie groot aantal sjtege. De vervalperdukte in dees kitting zeen in 't algemein väöl insjtabieler es d'n oorsjprunkelike langlaevenden isotoop. Ómdet ze in 'n uraniumhajend matterjaal kónstant waere aangemaak (e lankzaam percès) en weer vervalle (e sjnel percès) zeen ze in 'n leeg aevewichsconcentratie aanwaezig. Dees concentratie is des te leger naomaote 't vervalperduk insjtabieler is. Op dees meneer bevat 'n uraniumhajend erts ummer klein concentraties van elemente wie protactinium of radium. Men kan de vervalperdukte chemisch sjeie oet 't erts, mer den zölle ze lankzaam vervalle tót sjtabieler isotope van anger elemente.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vervalperduk&oldid=370430"