Urdu

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


't Urdu (eige naom اُردُو‎) is 't in Pakistan gebruuk standaardregister vaan 't Hindoestani, in Indogermaanse, Indische taol die in groete deile vaan 't Indiaas subcontinent es lingua franca deensdeit en door de elite weurt gesproke. Wie 't Hindi is 't Urdu gebaseerd op 't Khariboli, 't dialek vaan Delhi en umgeving. 't Urdu is oontstande in 't Mogolriek, 'n islamitisch riek wat praktisch gans Zuid-Azië besloog en sinds de zeventienden iew Delhi es hoofstad had.

Hindi en Urdu versjèlle neet of koelek in klaanklier en grammair, meh zien gemekelek vaanein te oondersjeie door hun sjrifte: dewijl Hindi 't Devanagari gebruuk, weurt Urdu gesjreve in 'n eige versie vaan 't Arabisch sjrif (mie in 't bezunder is 't gebaseerd op de Perzische variant daovaan). Ouch 't vocabulair versjèlt: 't Urdu kint e groet aontal Perzische lienwäörd (en ouch vrij väöl Arabische en Turkse), dewijl 't Hindi mie lexicaol aofhenkelek is vaan 't Sanskriet. Boete Pakistan weurt 't Urdu ouch gebruuk door väöl Indiase moslims; iemes zien religie bepaolt daan dèks of 'r 'nen Hindi- of 'nen Urdu-spreker is. Alles bijein sjat me 't aontal mojertaolsprekers op zoe'n 65 mieljoen, mèt nog ins 40 mieljoen twiedetaolsprekers.

Wikipedia
D'r is 'n Urdutalige editie van Wikipedia, de vriej encyclopedie.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Urdu&oldid=353891"