Ubberge

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Ubberge (Ubbergen)
Gewaeze gemeinte in Nederlandj

Gevörmp

Opgehaeve

Opgegange in

Hoofplaats

Opperflaakde (bie opluffing)

38,88 km²

– daovan water:

5,11 km²

Inwoeners (kort veur opluffing)

9.404 (1-5-2014)

– deechde:

278/km²

Lies van börgemeisters

Ubberge ies 'n plaats in de Nederlandse gemeinte Groesbeek, provincie Gelderland. Ubbergen liek op de zuudoever van de Waal, ten oaste van Nijmege.

Liegking en bezeenswaerdighede

Landsjappelik gezeen ies de gemeinte te verdeile in e heuvelechtig gebeed en, in 't noorde, e poldergebeed aan de Waal, woa-ónder de Ooijpolder. Hoag liegke de dörper Beek, Ubbergen en Berg en Dal en de buurtsjap Smorenburg, lièg liegke Ooij mèt de buurtsjappe Groenlanden en Wercheren, Erlecom, Leuth, Persingen, Tiengeboden en Kekerdom.

In Ubberge liegke (sjuus wie in Beek en in Berg en Dal) 'n groat aantal monumentaal villa's. Sómmige van die landhoezer liegke op de heuvel en kieke oet euver de polder. 'n Opvallend veurbeeld in Ubbergen ies de villa Waalheuvel oet 1925. 't Wiet protestants kèrkske van Ubbergen dateert oet de 15e ièw en ies neet miè es kèrk in gebruuk. 't Veurmalig Frans pensionaat ies 'n neogotisch kloaster bie de Villa ter Meer oet 1800 (allewiel in gebruuk es woon-wèrkpand De Refter). Tösje 1822 en 1929 woort in Ubbergen tol geheve um de besjtraoting van de zandweeg van Nijmege nao Cranenburg te betale; 't tolhuuske sjteit nog ummer.

Historie

Bies 2015 waor Ubberge 'n zelfsjtandige gemeinte. Behalve 't dörp Ubberge hauw de gemeinte de kerne Beek (gemeintehoes), Berg en Dal (gedeiltelik), Erlecom, Gruunlande (Groenlanden), Kekerdom, Leuth, Ooij, Persinge (Persingen), Tiengeboje (Tiengeboden), De Vlietberg en Werchere (Wercheren).