Trondheim

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


De ligking van Trondheim in de pervincie Sør-Trøndelag.
De Nidaroskattedraol in Trondheim.

Trondheim is 'n gemeinte in de pervincie (fylke) Sør-Trøndelag in Nórwaeg; 't is ouch de houfsjtad van die pervincie. De gemeinte had 158.613 inweuners in 2006 en 'n oppervlakde van 341,0 km². 't Aantal inweuners de km² bedreug 465,1. De gemeinte is officieel neutraol waat betröf de keus van sjriefvörm.

Trondheim is de derde sjtad van Nórwaeg en ligk aan de Nidelva mit aansjloeting op de Trondheimsfjord op 70 km aafsjtand van de Noorse Zee. Trondheim ligk in 't centrum van Nórwaeg en waerde in 997 gesjtif door de vikingekeuning Olaf Tryggvason.

Trondheim sjteit bekènd veur ziene gezelligen have en is 'n echte sjtudentesjtad. De belangriekste bezeenswaerdigheid van Trondheim is de Nidaroskattedraol, de grótste middeleewse kirk van Nórwaeg. Daonaeve kan me väöl aaj houtere pakhoezer vinje langs de Nidelva.

De gemeintecode is 1601.

Demografische óntwikkeling[bewirk | brón bewèrke]

Jaor 1769 1801 1815 1825 1835 1845 1855 1865 1875 1890 1900
Inweuners 11.315 13.682 14.374 17.456 19.163 21.756 23.532 27.749 31.730 37.102 47.176
Jaor 1910 1920 1930 1946 1950 1960 1970 1980 1990 2001 2006
Inweuners 57.008 71.342 77.222 88.171 92.114 105.194 127.328 134.854 137.846 151.198 158.613

In 2004 waas 6,4% van de inweuners gebaore boete Nórwaeg.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Trondheim&oldid=385842"