Triatlon

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Zwumme, fietsrenne en loupe, de drei oonderdeile vaan d'n triatlon.

'nen Triatlon is e miervoudeg doorsportevenemint wat besteit oet drei oonderdeile: zwumme, fietsrenne en loupe, achterein aof te wèrke. 't Bekindste is de Ironman-triatlon, dee besteit oet 3,9 kilometer zwumme, 180 kilometer fietsrenne en 'ne marathon (42,195 kilometer loupe). 'n Evenemint mèt dezelfde sporte in minder groete aofsten is evels ouch 'nen triatlon. Soms sprik me daan vaan 'nen haven, daarden of kwaart triatlon etc., al nao gelaank d'n aofstand. Sporadisch koume nog langer triatlons veur, ultratriatlons geneump.

Triatlons zien sinds de jaore twinteg bekind, meh kaome pas good in de belaankstèlling door d'n ierste Iron Man-triatlon, dee in 1978 op Hawaï woort gehawwe en boe veur 't iers de gestandaardiseerde aofsten woorte vasgelag. De decennia dao-op naom de populariteit vaan d'n triatlon touw, zoewel oonder amateurs es oonder profatlete. Sinds 2000 is de sport olympisch; op de Speule weure evels neet de Ironman-aofsten gedoon, meh 'ne kortere wèdloup vaan 1,5 km zwumme, 40 km fietse en 10 km loupe. Sinds 2015 weurt in Mestreech ouch 'nen Ironman gehawwe.

't Oetloupe vaan 'nen Ironman-triatlon is extreem zwoer en vereis 'n intensief training in alledrei de disciplines. Toch trèkke triatlons boe ze weure gehawwe ummer e groet aontal amateurs aon, dèks lui oet 't marathoncircuit. 'ne Manneleken topatleet kin d'n triatlon in zoe'n ach oor aofwèrke.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Triatlon&oldid=404207"