Triatlon
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
'nen Triatlon is e miervoudeg doorsportevenemint wat besteit oet drei oonderdeile: zwumme, fietsrenne en loupe, achterein aof te wèrke. 't Bekindste is de Ironman-triatlon, dee besteit oet 3,9 kilometer zwumme, 180 kilometer fietsrenne en 'ne marathon (42,195 kilometer loupe). 'n Evenemint mèt dezelfde sporte in minder groete aofsten is evels ouch 'nen triatlon. Soms sprik me daan vaan 'nen haven, daarden of kwaart triatlon etc., al nao gelaank d'n aofstand. Sporadisch koume nog langer triatlons veur, ultratriatlons geneump.
Triatlons zien sinds de jaore 1920 bekind, meh kaome pas good in de belaankstèlling door d'n ierste Iron Man-triatlon, dee in 1978 op Hawaï woort gehawwe en boe veur 't iers de gestandaardiseerde aofsten woorte vasgelag. De decennia dao-op naom de populariteit vaan d'n triatlon touw, zoewel oonder amateurs es oonder profatlete. Sinds 2000 is de sport olympisch; op de Speule weure evels neet de Ironman-aofsten gedoon, meh 'ne kortere wèdloup vaan 1,5 km zwumme, 40 km fietse en 10 km loupe. Sinds 2015 weurt in en um Mestreech ouch 'nen Ironman gehawwe.
't Oetloupe vaan 'nen Ironman-triatlon is extreem zwoer en vereis 'n intensief training in alledrei de disciplines. Toch trèkke triatlons boe ze weure gehawwe ummer e groet aontal amateurs aon, dèks lui oet 't marathoncircuit. 'ne Manneleken topatleet kin d'n triatlon in zoe'n ach oor aofwèrke.
Dit artikel is e sjtumpke. De kans Wikipedia helpe door 't aan te völle