Toremeule

Van Wikipedia
Naar navigatie springen Jump to search

Dit artikel is begós in 't Mestreechs. Laes hie wie v'r mit de versjillende saorte Limburgs ómgaon.


Toremeule bij Grónsveld

'n Toremeule is 'n ronde, zwoer gebouwde steine windmeule veur 't maole vaan graon. De ajdste vermelding vaan dit soort meules in Nederland is vaan veur 1441. In Nederland gief 't nog 4 vaan dees meules in Lienden (gemeinte Buren), Zeddam (gemeinte Montferland), Zevenaar en Grónsveld.

De meules in Lienden, Zeddam en Zevenaar zien zoegenaomde binnekruiers, woebij de kap vaan binnen oet op de wind weurt gekruid (gedrejd).

De meule vaan Grónsveld[bewirk | brón bewèrke]

De meule vaan Grónsveld (gelege kort bij de Mestreechse wiek De Heeg), is 'ne boetekruier, woebij de kap aon de boetekant mèt 'ne houte start op de wind weurt gekruid. Ze is tösse 1618 en 1623 gebouwd in bakstein mèt speklaoge. De belt (of 't bergske roontelum de voot van de meule) stamp oet 1766. In 1959 en 1992 is ze gerestaureerd. In 2006 is de boetekant gans opgeknap. Zie is de mies zuidelek gelege windmeule vaan Nederland.

De meule vaan Grónsveld steit in de Top 100 vaan Nederlandse UNESCO-monuminte.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Toremeule&oldid=347207"