Toengoeska-explosie
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
 |
De Toengoeska- of Tungusska-explosie[1] (Russisch: Тунгусский метеорит, Tungusskij meteorit) is 'n enorme explosie die plaotsvoond op 30 juni 1908 (17 juni volges de Juliaanse kalender) bij de Steinege Revier (Podkamennaja Toengoeska; moderne kraj Krasnojarsk, Rusland). In 'nen umtrèk vaan 30-40 kilometer woorte buim oontworteld. De oorzaak is noets definitief vasgestèld, mer euver 't algemein weurt gedach tot 'ne meteoriet op 'n huugde vaan oongeveer 8 km is oontplof.
Umtot de regio vrijwel oonbewoend is waore d'r hiel wieneg lui die kóste vertèlle wat gebäörd waor. Me weit mer euver ei slachoffer, 'ne rendierherder, dee op 30 km vaan de inslaagplaots 12 meter hoeg 'ne boum is ingebloze. Heer storf later aon zien verwondinge.
Pas in 1927 kaom 'n expeditie aon in 't gebeed. D'r woort geinen inslaagkrater aongetroffe, allein mer buim in 't gebeed vaan 2000 km² die umgevalle waore. Dit duit op 'n explosie in de loch. De Toengoeska-explosie woort ind twintegsten iew 't oonderwerp vaan väöl pseudowetensjappeleke interesse. Väöl lui dachte aon 'n mislökde ufo-landing.
Rifferensie
[bewirk | brón bewèrke]- ↑ Toengoeska is de verawwerde Nederlandse naom veur de plaots. Allewijl weurt meistens nao de officiele geromantiseerde benaoming vaan Тунгусска verweze: Tungusska. Neettemin woort in deen tied in Nederlands taolgebeed vaan de Toengoeska-explosie gesproke en zoe is zie daan ouch de beuk in gegaange.
