Timișoara
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Timișoara (Pruus: Temeswar of Temeschburg, Hóngaars: Temesvár, Sèrvisch: Temišvar) is 'n stad in 't weste van Roemenië in 't distrik (judeţ) Timiş enne veurnaamste stad van 't Banaat. De stad hadj in 't jaor 2000 'n inwoeanertal van 330.000. De stad lègk ane Bega, 'n ziereveer vanne Tisza.
Timișoara, det toet 1920 toet Hóngarië behuuerdje, herbèrg e groeat aantal minderhede. De Hóngare zeen mit ruum 7% de groeatste, daonao volge de Pruse en de Sèrve. De stad is 'n belangriek regionaal centrum en besjik euver de óp ein nao groeatste lóchhave van Roemenië. Timișoara speeldje ènj 1989 'n houfrol in de ópstandj taenge dictator Nicolae Ceauşescu. Johnny Weissmuller, d'n olympische zwömkampioen dae bekèndj waerdje door zien rol es Tarzan, waerdje d'r in 1904 gebaore.
Timișoara dank ziene naam aan 'n börch (Hóngaars: vár) ane Timiş die in 1154 veur 't ieës doren Arabische geograaf al-Idrisi woort genömp.