Thunderbolt (interface)

Van Wikipedia
Gank nao: navigatie, zeuke

Thunderbolt (veurheen ouch Light Peak geneump) is de naom vaan 'ne door Intel oontwikkelde nuie standaard veur serieel aonsletinge aon computers. De interface is bedoeld um aander interfaces, wie SCSI, SATA, USB, FireWire en PCI Express te vervaange. Door gebruuk te make vaan Thunderbolt kin 't aontal aonsletinge op 'ne computer (de poorte) hendeg verminderd weure. De datasnelheid is op dit momint al zoe hoeg (10 Gbps) tot ouch nui technieke wie eSATA en DisplayPort gebruuk devaan kinne make, get wat mèt USB (wat mer de hèlf vaan die snelheid haolt) neet kin. In d'n touwkoms wèlt Intel de koperdraod dee noe gebruuk weurt in de aonsleetkabels vervaange door glaasvezel, boedoor de snelheid kin goon oploupe tot 100 Gbps. Euveriges waor Thunderbolt in ierste instantie ontwikkelt es optische interface, mer woort euvergesjakeld nao koper umtot dat op dit momint gojekouper is.

Commercieel introductie voont plaots in fibberwarie 2011 toen Apple Inc de nui lijn Macbook Pro's presenteerde. In de Macbook Pro weurt gebruuk gemaak vaan de mini DisplayPort connector veur de Thunderbolt-aonsleting.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Thunderbolt_(interface)&oldid=343185"