Thomas Edison

Van Wikipedia
(Doorverweze van Thomas Alva Edison)
Naar navigatie springen Jump to search

Dit artikel is begós in 't Mofers. Laes hie wie v'r mit de versjillende saorte Limburgs ómgaon.


Thomas Alva Edison.
((en)) A Day with Thomas Edison (1922)

Thomas Alva Edison (11 fibberwarie 1847 - 18 oktoeaber 1931) waas 'nen Amerikaansen oetvinjer en zakemiens dae väöl oetvinjinge deej en väöl oetvinjinge van anger luuj verbaeterdje.

Thomas Edison woort gebaoren in Milan (Ohio) en greudje op in Port Huron (Michigan). Edison is nag ummer de rekaorhajer van 't grótste aantaal aan patente det toegekandj is gewaoren aan eine persoean (mieër es doezjendj).

De gleujlamp enne fonograaf (1877) zeen twieë van zien bekèndjste oetvinjinge. De gleujlamp haet t'r euveriges neet zelf oetgevónje, meh waal door systematisch óngerzeuk wiejer óntwikkeldj en vervólmaak toet die alikszins praktisch toepasbaar woort. Hae deej ouch väöl oetvinjingen op 't gebied vanne telegrafie. In 1883 óntdèkdje d'r 't edisoneffèk, de stroumeuvergank in e vacuüm tössen 'ne gleujdraod en 'n metaalplaat, welchzien óntdèkking van belang waas veure óntwikkelinge vanne elektronebuze. Hae waas zelf slechhuuerendj.

Zien grótste oetvinjing waas mesjiens waal 't óngerzeukslaboratorium in Menlo Park, det t'r in New Jersey leet boewe. Dit waas 't ieëste laboratorium det speciaal waas opgezatj veur nuuj dinger te óntwikkelen en technologische veuroetgank te boke. De meiste zake die dao woorte bedach en óntwikkeldj woorten op ziene naam gepatenteerdj. Ouchal haw d'r feitelik waal de leijing euver 't laboratorium, hae deej aevel neet alt zelf bedinke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Thomas_Edison&oldid=365124"