Top-level domain
(Doorverweze van Tópleveldomein)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
E Top-level domain (TLD) is 't mies rechtse deil vaan 'ne Internet domeinnaom. Beveurbeeld in li.wikipedia.org is org d'n TLD.
De autoriteit genump Internet Assigned Numbers Authority (IANA) maak oondersjeid tösse 3 TLD's:
- de landkode TLD (ccTLD): gebruuk door lande en oonafhaankeleke territoria. Dit zien twie lètters, beveurbeeld nl veur Nederland
- de generieke TLD (gTLD): in theorie weure dees gebruuk door organisaties (beveurbeeld com veur kommercieel organisaties). Ze zien drei of mier lètters laank. De mieste zien wereldwied te gebruke, meh 'n paar mage allein door de autoriteite vaan de V.S. weure gebruuk, zoe es mil en gov. D'r weurt nog oondersjeid gemaak tösse gesponsorde TLD's (sTLD) (zoe es aero, coop en museum) en neet-gesponsorde TLD's (uTLD) (zoe es biz, info, name en pro)
- infrastructurele TLD: d'r is eine offesjele genump arpa. Dizze weurt gebruuk bei 'n techniek dee Reverse DNS lookup hèt. D'r is ouch nog eine genump root, meh niemand wèt boeveur dee gebruuk weurt.
Europa
[bewirk | brón bewèrke]Veur de Europese Unie (EU) gief 't e speciaal domein: .eu. Hei vólg 'ne lies vaan de tópleveldomeine vaan de Europese lidstaote.
- 't Belsj - .be
- Bölgarije - .bg
- Cyprus - .cy
- Denemarke - .dk
- Duutsland - .de
- Esland - .ee
- Finland - .fi
- Fraankriek - .fr
- Griekeland - .gr
- Hongarije - .hu
- Ierland - .ie
- Italië - .it
- Kroatië - .hr
- Letland - .lv
- Litauwe - .lt
- Luxembörg - .lu
- Malta - .mt
- Nederland - .nl
- Oosteriek - .at
- Pole - .pl
- Portugal - .pt
- Roemenië - .ro
- Slovenië - .si
- Slowakieë - .sk
- Spanje - .es
- Tsjechië - .cz
- Zwede - .se