Sziget-festival

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Breuker. Laes hie wie v'r mit de versjillende saorte Limburgs ómgaon.


Buun op Sziget 2008

't Sziget-festival is e meziek- en cultureel festival, wat jaorliks in d'r maond augustus op 't Óbuda-eiland, 'n eiland in de Donau in de Hongaarse hoofsjtad Boedapes, plaatsjvingt. 't Is ae van de groeëtste festivalle van Europa; op mieë es zestig bune vinge mieë es doezend optraeës plaatsj. 't Festival doert zieëve daag lank en trèkt jaorliks zoeën 400.000 bezeukesj.

Historie[bewirk | brón bewèrke]

't Festival woert vuur 't ieësj gehawte in 1993 ónger d'r naam "Diáksziget" (Sjtudente-eiland) es ónbedudend sjtudente-gebure. Mit dank aa sjpónsoring doer groeëte bedrieve zoewie Pepsi is 't festival oetgegruijd tot de gruuëtde van huuj mit óngevier de haofsjeit van de bezeukesj va boetelendsje kómaaf, groeëtendaels oet Nederland en 't Vereinig Kuëninkriek. Pepsi waor van 1996 pès 2001 d'r hoofsjpónsor van 't festival en in dae tied woert 't officieel "Pepsi Sziget" geneumd. Begin 2012 woert 't festival van 2011 oetgerope tot bèste festival van Europa.

Locatie[bewirk | brón bewèrke]

't Festivalterrein sjtrèkt zich oet uëver de haofsjeit van 't Óbuda-eiland, e parkechtig eiland mit 'n golfbaan taegenuëver 't sjtadsdael Óbuda. "Sziget" is 't Hongaars woerd vuur eiland. 't Eiland haat zich in de lètste jaore tot e belangriek oetgaoënscentrum va Boedapes óntwikkeld. Naeëve 't festival herbergt 't e groeët aantal nachclubs, zoewie "Bed Beach", "Dokk Beach" en "Dokk Club".

Programma[bewirk | brón bewèrke]

't Gebure vingt op mieë es zestig locaties plaatsj en waert oetgeveurd doer mieë es doezend artieste. 't Programma reikt va meziekoptraeës va jieëker saort pès dans-, film- en theatervuursjtèllinge pès sjpas vuur kinger. Bezeukesj zint vrie 't eiland te verlaote en truuk te kómme wienieë me dat wilt en daomit in dees waeëk aoch de sjtad Boedapes en häör attracties te kinne bekieke. 't Gieëft aoch ènnige sjportgelaegenheide zoewie volleybalvelder en tennisbane. Sjpeciaal vuur 't festival waert jaorliks op 't eiland 'n klein "sjtad" mit ónger angere 'n aptieëk, bank, poslokèt en gesjef opgeboewd. Aoch gieëf 't mènnige kaffees, restaurante en snackbars.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sziget-festival&oldid=403808"