Staotssjöld

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De staotssjöld, euverheidssjöld, publiek sjöld of soeverein sjöld is de financieel passiva vaan de gouvermenteel sector. Veraanderinge in de staotssjöld reflecteerd in d'n ierste plaots de lieninge es rizzeltaot vaan tekorte vaan de regering. 'n Tekort oontsteit es oetgaove vaan de regering bove de inkomste ligk. Eigeneersjap vaan de staotssjöld kin bij binnelandse residente es-ouch boetelandse residente ligke. Es zie d'n höb vörmp vaan boetelandse residente weurt die kwantiteit deil vaan de extern staotssjöld vaan dee specifieke staot.

Krachtes 't Verdraag vaan Mestreech is de staotssjöld de nominaol weerde vaan alle aon 't ind vaan 'n periood (jaor/trimester) oetstaonde brutoverpliechtinge vaan de euverheid: de exceptie is es 't verpliechtinge gief boevaan de corresponderende financieel activa door de euverheid weure aongehawwe. Dees verpliechtinge höbbe betrèkking op chartaol geld en deposito's, effekte mèt oetzoondering vaan aondeile en lieninge, euvereinkomsteg de definities vaan ESR 95.

In 2021 waor Japan de staot mèt 't hoegste percentaasj staotssjöld vaan 't BNP, mèt 262,5%. Dit weurt gevolg door Venezuela (240,5%) en 't Europees land mèt de hoegste staotssjöld, Griekeland (199,4%). De lidstaot vaan de Europese Unie mèt de liegste staotssjöld waor Esland (17,6%). Nederland had e percentaasj vaan 52,3%, Belsj had 108,4% en Duitsland heet 69,9%.