St. Paulseiland

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't St. Paul'seiland (ouch St. Paul's Islets of St. Paul's Island geneump) zien eigelek twie oonbewoende rotsklippe, same kleiner es 10 hectare, die bij liegtij same ein eiland vörme. De eilen behure tot de rippebliek Malta en bevinde ziech in St.Paul's Bay (San Pawl il-Baħar), op 100 meter vaan de kös vaan 't hoofdeiland Malta.

Volges de euverlievering zouw in 't jaor 59 nao Christus d'n apostel Paulus hei sjeepbreuk höbbe geleie wie heer es gevaangene op weeg waor nao Rome. Um häöm te iere steit op ein vaan de klippe 'n 12 meter hoeg standbeeld vaan häöm.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=St._Paulseiland&oldid=341257"