Sotsji

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Sotsji (Roessisch: Сочи, Soči) is 'n Roessische sjtad in 't zude va Kraj Krasnodar, get noardelig va g'n grens mit Abchazië. Zie ligk aa g'n Zjwate Zieë, op de oetluëpesj van 't Kaukasusgebirgde. In 2010 hat zie 343.334 iwuënesj. Vólges de letste vólkstellóng van 2002 is 67,5% va de bevölkeróng etnisch Roessisch en guëf 't 'n groeëte minderheed Armene van 20,2%.

Sotsji is ing va de bekangste Roessische badplaatsje en hat e subtropisch klimaat. De kössjtroak weëd óch de "Roessische Rivièra" genumt. In 't Sovjet-tiedpèrk zint hei vöal hotels en resorts geboewd. 't Toerisme floreert hei nag ummer. De agglomeratie Groeët-Sotsji is 147 kilometesj lang en weëd de langste sjtad va g'n welt genumt, meh feitelig besjteet zie oet mieërdere plaatsje parallel aa g'n kös. Dees agglomeratie lup va de reveer de Sjepsi bis aa g'n Psou, die óch de grens is mit Abchazië.

In 2014 vónge i Sotsji de Olympische Wintersjpieële sjtat.

Extern links

Commons: Sochi – Media gerelateerd aan dit óngerwerp

Website va g'n sjtad Sotsji (Roessisch)