Snorhaor

Van Wikipedia
Naar navigatie springen Jump to search

Dit artikel is begós in 't Sint-Joasters. Laes hie wie v'r mit de versjillende saorte Limburgs ómgaon.


Snorhaor bie 'n kat.

Snorhaor, tashaor of vibrissae zint haor bie zougdere die waere gebroek veur mit te veule. Ze kómme veur bie bièster die neet good kinne zeen of veural nechtelik aktief zint. Snorhaor zint diekker en stiever es gewuèn haor. Juus wie normaal haor löp gein zaen d'rdoor en zint ze laeveloas. Bie snorhaor geit 't veule doordet in 't haorzekskes 'ne kaoker mit blood zitj. Wen 't haor wuèrtj aangeraak, buug 't en wuuertj 't blood bewaoge; de zaene rónjelóm vange dit den op. Bie sómmige bièster ligk hie ónnag 'n spier, womit ze 't haor kinne bewaege.

Snorhaor kómme neet allein ónger de naas veur, wie de naam suggereertj. Ze kinnen ouch veurkómme op anger deiler op de kop, wie baove de ouge.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Snorhaor&oldid=392083"