Sloveense Ónaafhankeligsheedskrieëg

Van Wikipedia
Gank nao: navigatie, zeuke

Dit artikel is gesjreve in 't Heëlesj. 't Weurt gewaardeerd óm in dit artikel 't Heëlesj aan te hauwe of aan te gaeve welk anger dialek gebroek is.


't Krieëgsverlup.

De Sloveens Ónaafhankeligsheedskrieëg of Tieëndaagse Krieëg woar 'ne kórte krieëg deë bevóchte woeëd va 27 juni bis 7 juli 1991, deë óntsjtóng noa d'r inval va 't Joegoslavisch Volksleger (JNA) i 't toenmalige Slovenië noa dat de Slovene zich óp 25 juni 1991 as ónaafhankelig verklieërde. De gevèchte vónge plaatsj va 27 juni bis 3 juli, op 7 juli woeëd 't Akkoord va Brioni óngerteëkengk, woeë noa Joegoslavië de Sloveense ónaafhankeligheed erkangde.

Aalup en verlup va d'r krieëg[bewirk | brón bewèrke]

Gevéchte bei ing grénsjpos mit de JNA.

Aa 't eng va d'n joare tachentig en begin joare neëgentig va d'n twintigsten ieëw woare i de mieëste deelsjtoate va de toenmalige Socialistische Republiek Joegoslavië nasjonaal partieëe aa de mach gekoame. De toenmalige Servische leider Slobodan Milošević (toendertied president va Joegoslavië), wilde vaweëge ikkenomische belange de riekere deelsjtoate behawwe, woeë Slovenië tów behuërde. Óp 23 december 1990 sjtamde 95% va de inwuëners va Slovenië vuër de ónaafhankeligheed. Net as Kroatië, woeë sjpieëter óch gevóchte woeëd, woar 't plan de ónaafhankeligheed i juni '91 oet te reupe.

Inne daag noa de verkloaring va de ónaafhankeligheed, óp 26 juni 1991, trókke de trópe va 't Joegoslavische leger va oet hön basis i 't Kroatische Rijeka richting d'r Sloveense grénsj. De ieësjte gevéchte tusje 't klieëne Sloveense leger en 't JNA vónge óp 27 juni plaatsj. Óp 28 juni vónge óp mieërdere plèkke i 't lang gevéchte plaatsj. Óp 29 juni perbeerde de Europese Unie tevergeëfs de gevéchtshandelinge te sjtóppe, en óp 30 juni weëd de Karawankentunnel op g'n grénsj mit Oosteriek durch 't JNA bezat. De gevéchte vervólgens tót 3 juli woare 't zjwieërst. óp 3 juli trók 't JNA zich vreëdzaam truuk.

Verlieze[bewirk | brón bewèrke]

In teëgesjtèlling tót de anger krieëg i vuërmalig Joegoslavië, vele d'r i de Sloveense Ónaafhankeligsheedskrieëg wenig doeëde. 't Totaal kóm óp 19 doeëde en 192 gewónde aa de Sloveense kank en 45 doeëde en 146 gewónde aa de Joegoslavische (Fiderale) kank, en 12 ónbekande doeëdelige sjlaachoffers. 't Joegoslavische leger hat vöal meterieële verlieze, woeë ónger 31 tanks, 22 pantervehikels en 6 helikopters. [1]

Zuuch óch[bewirk | brón bewèrke]

Brónne[bewirk | brón bewèrke]

  1. https://nl.wikipedia.org/wiki/Tiendaagse_Oorlog