Slikke

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Slikke of sjlikke (Latien: deglutitio) is 't proces bij lui en bieste boebij de veujing vaan de moond via de keelholte (farynx) nao de slókderm (oesofagus) gebrach weurt. Nao 't veujing fien en soepel te höbbe gemaak (door te knawwele en de touwveuging vaan spei mèt spijsverteringsenzyme) kinne veer 't beter doorslikke. Dit proces weurt bij väöl bieste euvergeslage, zie slikken de veujing gaans door.

De achterkant van de tong en 't zach verhiemelte hawwe de veujing väörin de moond totdat deze good is um door te slikke. Op dat momint zal de veujing nao achter in de moond goon boenao 'n umhoeggaonde beweging vaan 't achterste deil vaan de tong en 't zach verhiemelte, um de neusholte aof te slete, zörg veur verplaotsing vaan de veujing nao de orofarynx. 't Aofslete vaan de neusholte zörg ouch veur 't stèllègke vaan 't aosemcentrum in de hersene, want aoseme en slikke geit neet tegeliek.

Heinao zal 't strottehoof en 't tongbein ziech nao bove en nao väöre bewege. Dit zörg deveur tot 't strootklepke ziech slut um te zörge tot gein veujing in de lochpiep terech kump. 't Boveste deil vaan de slókderm oontspant ziech um de veujing door te laote en peristaltische beweginge vaan de weiere slókderm zörge veur verplaotsing vaan de veujing nao de maog.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Slikke&oldid=341609"