Straot Hudson

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

Straot Hudson (Ingels: Hudson Strait, Frans: Détroit d'Hudson of Détroit de Hudson) is 'n zieëstraot die d'n Hudsonbóch verbindt mit de Labradorzieë. De straot wuurt in 't naorde begrens door 't Baffineiland en in 't zude door 't Ungava-Schiereiland, Quebec en Labrador. D'n oeësteliken ingank van de straot ligk tösse Kaap Chidley en Resolution Island.

De straot is geneumd nao d'n Britsen óntdekkingsreiziger Henry Hudson, dae eur in 1610 haet óntdek wie hae opzeuk waas nao 'n naordwestelike doorvaart nao Sjina.