Sjpeul

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Dit artikel geit euver de elektrische component; veur de vriejetiedsbesjtaejing, zuuch: sjpel.

Sjpeule es elektronische componente.
't Sjematisch symbool veur 'n sjpeul.

'n Sjpeul is 'nen elektrische component dae besteit oet geleiende wikkelinge, meistal van kaoperdraod, op 'n sjpeulvorm (meistal van kunssjtof) worin zich al dan neet 'n magnetiseerbaar (weikiezere) kern bevindj, die waal of neet bewaegbaar is. Twee magnetisch-gekoppelde sjpeule vörme 'ne transformator.

Werking[bewirk | brón bewèrke]

Es 'ne elektrische sjtroum door 'n draod haer löp, weurt 'n magnetisch veld opgewek. Es de draod óm 'n buus haer is gedrejd, den weurt 't magnetisch veld gebundeld en krieg 't 'n richting. Es zich in de buus e magnetiseerbaar matterjaal (weikiezer, ferriet) bevindj, den weurt de bundeling van 't opgewek magnetisme sjterk vergroot. Angesóm zal de sjpeul e verangerlik magnetisch veld ómzètte in 'n elektrische sjpanning.

Toepassinge[bewirk | brón bewèrke]

Sjpeule höbbe versjillende toepassinge:

  • Es 'ne enerzjiebuffer. Sjpeule kinne waere gebroek in elektronische sjakeling veur häör zelfinductie;
  • Veur ómzètting nao magnetisme. Sómtieds bevatj 'n sjpeul 'n ferromagnetische kern. Door de magnetische kern nump de inductie toe. 'n Sjpeul wek ónger invlood van elektrische sjtroum e magnetisch veld op;
  • Veur ómzètting van elektrische enerzjie nao mechanische bewaeging;
  • Veur ómzètting van magnetische energie nao elektriciteit.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjpeul&oldid=366109"