Sjoes
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Sjoes is ein veural in Limburg en deile van Brabant veurkómmend glaas beer. 't Is ein glaas pils mèt 'n klein rendje (melange) awt broen beer (minder es 25%), ónger de sjoemlaog. In oastelik Zuud-Limburg neump me dat ein vlemke en dao is 'ne sjoes 'n glaas beer dat hauf gevöld is mèt zjwart beer en hauf mèt pils. In westelik Zuud-Limburg en Noord-Limburg neump me dit lètste weer 'ne haufum.
De bedoeling is óm mèt de zeute sjmaak van 't awt broen de wat bittere sjmaak van 't klassiek pilsener te maskere.
De benaming sjoes kump van 't Duutsje Schuß wat sjöt(je) beteikent.
In Noord Limburg (veural te noorde van Venlo) wirt sjoes väöl minder gedrònke. Doa drènke de luuj (veural mit Vastelaovend en de Kirmes) in plaatsj van Sjoes, dèks Halfum of Haalvöm, zoa-es dit plaatsjelik wirt geneump.
