Sjörsker

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Sjörsker of sjoepker is 'nen tuup aan vrachveurtuug dae is óntworpe veur geujer op te lajen en róndj te doon vare. 'n Sjörsker is henjig veur geujer die zwaor of lómpvörmig zeen veur te drage tösse twieë plaatse te verveure. Meistes broek me sjörskerren in häöf, pakhoezer en boewpercele.

De meiste sjörskerre höbbe slechs ei raad, mer 't guuef ouch tupe mit twieë of mieëder rajer. Sjörskerre zeen meistes verzeen van twieë handjvate die me-n oppöf en den nao veur duudj of nao achter trèk veure sjörsker te verplaatse. Wen me de sjörsker neerzètj kump drök oppe puuet óngere handjvaatstele te staon, ómdet die oppe gróndj steune, wodoor de sjörsker op e vlaak gróndjstök den vas blief staon.