Sjlieëkrieëkedraank

Van Wikipedia
(Doorverweze van Sjlieëkrieëke-draank)

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


D'r sjlieëkrieëkedraank wert gemakt va sjlieëkrieëke, soeker en laeëveswater of eaux de vie. 't Is, zjuus wie e dröpke of 'ne pèkè, 'ne sjtaerk alcoholische draank dae van aodsher in d'r gaanse sjtrieëk tussje Aoke, Luuk en Mestreech wert gemakt. Waeltwied is d'r Jägermeister d'r bekaandste likeur dae gemakd is op basis va sjlieëkrieëke.

Bereiding[bewirk | brón bewèrke]

Es 't in d'r weenter ene kieër good gevraore haat geet me de besse van d'r sjlieëdaoën, de sjlieëkrieëke plukke. Me kint ze och ieëder plukke en 'n nach in d'r vreezer liegke. Me nimt 'n groeëte tas krieëke. In eeder krieëk sjtikt me èng kieër mit 'n sjtopnaold. Me deet de tas krieëke in 'ne bokaal van 'ne liter en sjtrujt d'r 'n tas soeker op. Dan sjudt me ene liter laeveswater of aux-de-vie d'r op (plusminus 30%) en zit d'r bokaal op 'n duuster, keul plaatsj. Nao 'n mond, vreuger traditioneel roond nuujjaor, kint me e sjlieëkrieëke-dröpke dreenke. Puur of 'n cocktail mit sjweps of tonic. Es me de sjlieëkrieëke vervingt dör zjwarte miemele kriet me 'n pèkè mit cassis-sjmaak.

Varia[bewirk | brón bewèrke]

  • Es me sjlieëkrieëke èt kriet me dao sjlieëteng (sleeuwe tanden) va, 'ne specifieke aansjlaag op de teng dae och 't dreenke van sommige theesaoërte gift.
  • 't VVV va Voere haat dizze draank gecomercialiseerd en lut 't Voerdröpke semi-industrieel aa-make.