Sjefke Janssen

Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Aelses, es te dit dialek sjpriks.

Sjef (Sjefke) Janssen (Aelse, 28 oktober 1919-3 december 2015) is ènne veurmalige Nederlandse fitserenner.

Plaetje:Wielrenners Tour de lAvenir, Sjefke Janssen (ploegleider), Bestanddeelnr 917-9092 (cropped).jpg

Sjefke Janssen (1965)

Biografie

Hae waas profesjenel fitserenner van 1946 pes 1954. Zoa es veur väöl van zien tiedgenote góldj, haet zien rennerscarrière danig geleje ónger 't oetbraeke van de Tweëde Waereldaorlog.

Janssen waas eine kleine (vandao Sjefke) en karaktervolle coureur dae zich, es rechgeaarde Limburger, 't bèste thoes veulde op ein einigszins geaccidenteerd tèrein, zoaes de Limburgse en Belzje heuvele. Zien bèste prestaties leverde hae in eindaagse koerse, mèt name waor hae in al die jaore es professioneel fitserenner dèks heël succesvol biej de Nationaal Kampioensjappe op de waeg. In 1947 en 1949 wórt hae dan ouch kampioen in dees discipline, allebeij de keëre op de Cauberg in Valkeberg. Hae naom tweë keër deil aan de Runj van Frankriek. In 1947 waas hae de ènnige Nederlander dae de Tour oetreej.

Sjefke Janssen is in december 2014 gestórve in ein verzörgingstehoes in zien woonplaatsj Aelse.

Trivia

Sjefke Janssen is de vader van Sjef Janssen, de bekènde ex-dressuurruiter, pèsjtrainer en bóndjscoach van de Nederlandse dressuurploog, dae getrouwd is mèt de dressuuramazone Anky van Grunsven.

Belangriekste oetsjlaeg

1944
- 4e bie 't NK op de waeg
1945
- 4e bie 't NK op de waeg
1947
- 1e bie 't NK op de waeg
- 3e bie 't WK veur profs op de waeg
1948
- 4e bie 't NK op de waeg
1949
- 1e bie 't NK op de waeg
1950
- 12e Luuk-Bastenake-Luuk
- 3e bie 't NK op de waeg
1951
- 8e bie 't NK op de waeg
1952
- 5e bie 't NK op de waeg
1953
- 8e Kampioensjap van Zürich
- 14e Waalse Piel
- 8e bie 't NK op de waeg

Tourdeilnames

Runj van Frankriek 1947 – 32e
Runj van Frankriek 1948 – 36e