Sint-Annaland

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Sint-Annaland i g'n gemingde Tholen

Sint-Annaland (Zieëws: Stalland; boete Sint-Annaland: Setalland) is 'n dörp i g'n gemingde Tholen i g'n provincie Zieëland. Óp 1 juli 2017 houw de plaatsj 3.694 iwuënesj. Sint-Annaland ligk aa g'n Krabbekreek, 'ne zieë-erm tussje de eileng Tholen en Sint-Philipsland.

Gesjichde

't Dörp woeëd gesjtich in 1475, wie Sjarel d'r Kuëne zing haofsjwester Anna va Bourgondië touwsjtumming goof um e sjoregebeed bei 't eilank Tholen 't bedieke. Hei woeëd sjpieëder 'n kirk gesjtich. De hillige Anna woeëd sjütspatroeën van 't dörp. Óp 23 mei 1692 woeëd 't getróffe durch 'ne brank, woeëbei 56 hoezer en 34 sjtel verloare gónge. De hudige hervörmde kirk koam in 1899 tot sjtank in neoromaanse sjtiel.