Siljan (Zjwede)

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Siljan vanoete lóch.

't Siljan is 't op zès nao grótste maer in Zjwede; 't ligk in 't landjsjap Dalarna. 't Haet 'n oppervlakde van 290 kmå en 'n maximaal deepde van 134 maeter. De oppervlakde bevindj zich op 161 maeter baove zeeniveau. De reveer d'n Österdalálven sjtruimp door 't maer. Siljan sjteit in drekke verbinjing mit 't t'n naorde gelaege maer Orsasjön, worin de reveer d'n Oreälven oetsjtruimp.

't Maer en 't ómringendj landsjap zeen óntsjtange door d'n insjlaag van 'ne meteoriet. Aan de randj van d'n doemaoligen insjlaagskrater ligke behalve Siljan nog 'n aantal kleinder maere, die same d'n ómtrèk van de geërodeerde krater aangaeve. Mit 'n doorsjnee van 52 km is 't de grótsten insjlaagskrater van Wès-Europa. De ajerdóm daovan weurt op 360 miljoen jaor gesjat.

In Siljan bevinje zich meerder eilenj, wovan 't eilandj Sollerön mit 'n lingde van 7,7 km en 'n brèdde van 4 km 't grótste is. Aan de randj van 't maer ligke ónger anger de plaatse Leksand, Mora en Rättvik. 't Maer is heel toeristisch in de zomer.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Siljan_(Zjwede)&oldid=387945"